pune sakal
पुणे

इंग्रजी,फ्रेंच,संस्कृत भाषेवर प्रभुत्व गाजवणारी इरा रोहन भिलारे

‘इंडिया बुक ऑफ रेकॉर्डस्’ आणि ‘कलाम वर्ल्ड रेकॉर्डस्’मध्ये नोंद

सकाळ वृत्तसेवा

पुणे : ज्या वयात मुलांना मातृभाषा देखील व्यवस्थित बोलता येत नाही, त्याच वयात इंग्रजी व फ्रेंच भाषेत अंक, आठवड्यातील दिवस, स्वतःबद्दल प्रश्न -उत्तरं, कविता, विविध संस्कृत मंत्र, राष्ट्रगीत, खंडांची नावे सांगत अवघ्या तीन वर्षांच्या इरा रोहन भिलारे हीने सर्वांचे लक्ष वेधले आहे. तिच्या या हुशारीमुळे तिच्या नावाची अल्पावधीतच ‘इंडिया बुक ऑफ रेकॉर्ड्स आणि ‘कलाम वर्ल्ड रेकॉर्ड’२०२१ मध्ये नोंद करण्यात आली आहे.

इरा ही मुळची पुण्याची असून सध्या तिचे कुटुंब हे दुबईमध्ये राहत आहे. इराचे वडील रोहन भिलारे हे प्रकल्प व्यवस्थापक आहेत. तर आई आरती भिलारे या फ्रेंच भाषेच्या शिक्षिका आहेत. याबाबत आरती यांनी सांगितले, ‘‘लहानपणापासूनच इरा विविध गोष्टींमध्ये सक्रिय आहे. ती तल्लख बुद्धीची कोणतीही गोष्ट पटकन लक्षात ठेवते. आम्हाला या गोष्टीची हुरूप वाटली आणि इरा अधिकाधिक प्रमाणात कशी पारंगत होऊ शकते यावर लक्ष केंद्रित करण्यास सुरवात केली. पालक हे मुलांचे प्रथम गुरू म्हणून आम्हीच तिचा सराव करून घेत होतो. तिला संस्कृत, इंग्रजी आणि फ्रेंच या तिन्ही भाषांमध्ये अंक, कविता अशा विविध गोष्टी शिकवल्या. या सर्व गोष्टी ती तोंडपाठ सांगते. त्याचबरोबर १३ योगासनं करून दाखवते. तिचे हे कौशल्य सर्वांपर्यंत पोचावे म्हणून जागतिक स्तरावरील नोंदवलेले विविध विक्रमांची माहिती घेत त्यामध्ये अर्ज भरला. तर ७ ऑक्टोबरला ‘इंडिया बुक ऑफ रेकॉर्ड्स’ आणि २७ ऑक्टोबरला ‘कलाम वर्ल्ड रेकॉर्ड्स’मध्ये इराची निवड झाल्याचे घोषित करण्यात आले. तसेच प्रमाणपत्रासाठी नामांकन मिळाले.

‘‘इरा २ वर्षाची असल्यापासून तिला प्रत्येक गोष्ट शिकवायला सुरवात केली. तिचा उत्साह पाहून या सर्व गोष्टी आम्ही सहजपणे करू शकलो. कोरोनामुळे ऑनलाइन स्पर्धेसाठी नोंदणी केली व सर्व माहिती ऑनलाइन पाठवली. तिने अवघ्या २ वर्ष ९ महिन्यात ‘दोन’ रेकॉर्ड करून आम्हाला व आमच्या कुटुंबाला अभिमान वाटेल अशी कामगिरी केली आहे.’’

- रोहन भिलारे, इराचे वडील.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Rahul Gandhi Press Statement : केंद्रातील काही मंत्री आमच्या संपर्कात; पुढील आठ महिन्यांत परिणाम दिसतील, राहुल गांधींच्या खळबळजनक दाव्याने चर्चा

Kolhapur Cooperative Elections : सहकार क्षेत्रासाठी मोठी बातमी! दुष्काळामुळे स्थगित केलेल्या तब्बल 900 सहकारी संस्थांच्या निवडणुकांचा मार्ग मोकळा; शासनाचे नवे शुद्धिपत्रक जारी

Instagram Story Update: आता इन्स्टाग्रामची स्टोरीसुद्धा edit करता येणार! कसं करायचं? जाणून घ्या

UPSC Success Story: ज्याच्यासाठी वर्दी मिळवली, तोच भाऊ जगात नाही; आर्थिक संकटावर मात करत शेतकऱ्याच्या मुलाने मिळवली १२६ वी रँक...

Latest Marathi News Live Update : जालना जिल्ह्यावर भीषण पाणीटंचाईचे संकट; अडीच लाखांहून अधिक नागरिकांची तहान टँकरवर, धरणांमध्ये अवघा ५.७३ टक्के पाणीसाठा शिल्लक

SCROLL FOR NEXT