तेहरान, ता.२८ (वृत्तसंस्था) ः इराणमधील एका प्राथमिक शाळेवर झालेल्या भीषण हल्ल्यातील मृतांची नवी आकडेवारी इराण सरकारने मंगळवारी प्रसिद्ध केली. या हल्ल्यात १७५ नव्हे तर १५५ जणांचा मृत्यू झाल्याचे स्पष्ट करण्यात आले आहे.
अमेरिका आणि इस्राईलने इराणवर २८ फेब्रुवारी रोजी हल्ला केला. त्याच दिवशी मिनाब येथील प्राथमिक शाळेवर क्षेपणास्त्र हल्ला करण्यात आला होता. सरकारी प्रसारमाध्यमांनी दिलेल्या माहितीनुसार, मृतांमध्ये ७३ मुले आणि ४७ मुलींचा समावेश आहे. तसेच २६ शिक्षक, सात पालक, एक बस चालक आणि शाळेशेजारील दवाखान्यातील एका तंत्रज्ञान अशा १५५ जणांचा या दुर्घटनेत मृत्यू झाला, असे वृत्त इराणची सरकारी वृत्तसंस्था ‘आयआरआयबी’ने आणि स्थानिक माध्यमांनी आज दिला. यापूर्वी या हल्ल्यात विद्यार्थ्यांसह १७५ जणांचा मृत्यू झाल्याचे सांगण्यात आले होते.