पुणे

'शैक्षणिक गुणवत्तेत आपण मागे'

सकाळवृत्तसेवा

पुणे -‘‘देशात ९०३ विद्यापीठे आणि ३९ हजार ५० महाविद्यालये यांचे विस्तृत जाळे आहे; परंतु अद्यापही शैक्षणिक गुणवत्ता, जागतिक क्रमवारीत शैक्षणिक संस्था मागे असल्याचे वास्तव आहे,’’ अशी खंत राष्ट्रपती रामनाथ कोविंद यांनी व्यक्त केली.

सिंबायोसिस अभिमत विद्यापीठाच्या पंधरावा पदवी प्रदान सोहळा कोविंद यांच्या प्रमुख उपस्थित लवळे  येथील कॅम्पसमध्ये मंगळवारी (ता.२३) झाला. या वेळी राष्ट्रपती यांच्या पत्नी सविता कोविंद, राज्यपाल सी. विद्यासागरराव, पालकमंत्री गिरीश बापट, शिक्षणमंत्री विनोद तावडे, संस्थेचे संस्थापक डॉ. शां. ब. मुजुमदार उपस्थित होते. यावेळी ‘स्टुडंटस एज्युकेशनल अँड कल्चरल मूव्हमेंट ऑफ लडाख’चे संस्थापकीय संचालक सोनम वांगचुक यांना ‘डी. लिट’ प्रदान करण्यात आली. 

‘‘देशातील वेगवेगळ्या विद्यापीठांमध्ये, शिक्षण संस्थांमध्ये भेटीदरम्यान विद्यार्थ्यांशी संवाद साधता येतो. त्यात विद्यार्थिनींची  शैक्षणिक कामगिरी ही विद्यार्थ्यांच्या तुलनेत अधिक चांगली असल्याचे  दिसून येते. शिक्षणाला लिंग,  भौगोलिक अशी कोणतीही सीमा नसते. शिक्षणामुळे जगभरातील  संधीची दारे उघडली जातात. शिक्षणातून जबाबदारीची जाणीव येते. सध्या देशात जवळपास १६६ देशांमधील ४६ हजार १४४ परदेशी विद्यार्थी विविध महाविद्यालये, विद्यापीठे आणि शैक्षणिक संस्थांमध्ये उच्च शिक्षण घेत आहेत. त्यामुळे शैक्षणिक संकुलांमध्ये बहुसांस्कृतिक वातावरणनिर्मिती होत आहे,’’ असेही कोविंद यांनी आपल्या भाषणात सांगितले.

या कार्यक्रमात पीएचडीधारक, सुवर्णपदक विजेते, वैशिष्ट्यपूर्ण कामगिरी करणाऱ्या; तसेच पदवी, पदविकाधारक विद्यार्थ्यांना गौरविण्यात आले. युगांडामधून  कण्यासाठी आलेल्या वासवा हसन या विद्यार्थ्याला  सर्वोत्कृष्ट परदेशी विद्यार्थ्यांसाठीचा ‘डॉ. शां. ब. मुजुमदार पुरस्कार’  देण्यात आला. या वेळी डॉ. वांगचुक आणि विद्यापीठाच्या कुलगुरू  डॉ. रजनी गुप्ते यांची भाषणे झाली. कार्यक्रमाचे प्रास्ताविक डॉ. मुजुमदार यांनी केले.

एखादा पुरस्कार मिळाला की अस्वस्थ व्हायला होते. मी माझे काम केले आहे, काहीही वेगळे केलेले नाही. माणसाला माणसुकीबद्दल एखादा पुरस्कार किंवा आदर मिळायला लागला तर ही आनंदाची, अभिमानाची बाब नाही, तर ती खेदाची बाब आहे. लडाखमधील परिस्थिती पाहून कामाला सुरवात केली. लडाखमधील विविध प्रश्‍न सोडविण्यासाठी विद्यार्थ्यांच्या सहभागातून नावीन्यपूर्ण कल्पना वापरून प्रयत्न सुरू केले. माणुसकी निभावण्यासाठी केलेल्या कामाला पुरस्कार मिळणे, हे मला उचित वाटत नाही.
- सोनम वांगचुक, संस्थापक संचालक, स्टुडंटस एज्युकेशनल अँड कल्चरल मूव्हमेंट ऑफ लडाख

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

MG Road वरील खाऊ गल्लीत FDA ची धडक कारवाई; परवाना नसलेल्या पाच खाद्यविक्रेत्यांना व्यवसाय बंद करण्याचे आदेश

Yuzvendra Chahal 400 T20 Wickets: युझवेंद्र चहलने इतिहास रचला... ट्वेंटी-२०मध्ये असा पराक्रम करणारा पहिला भारतीय गोलंदाज

Youngest Demat Account Holder : वय अवघे ६ दिवस अन् थेट शेअर बाजारात एन्ट्री! १२ दिवसांचा जुना रेकॉर्ड मोडत दिल्लीच्या चिमुकल्याने रचला नवा विश्वविक्रम

Sudhir Mungantiwar : "आपलं सरकार इंग्रजांपेक्षाही वाईट..."; सुधीर मुनगंटीवार आक्रमक, मुख्यमंत्र्यांसमोरच मांडली भूमिका, नेमकं काय घडलं?

Latest Marathi News Live Update : सोनं-चांदी दरात पुन्हा घसरण; सोनं 2 हजार 800 रुपयांनी तर चांदी चार हजार रुपयांनी घसरली

SCROLL FOR NEXT