पारगाव, ता. २३ : जारकरवाडी (ता. आंबेगाव) येथील जारकरवाडी विविध कार्यकारी सेवा सहकारी सोसायटीची ६७वी वार्षिक सर्वसाधारण सभा संस्थेचे अध्यक्ष खंडू भोजने यांच्या अध्यक्षतेखाली खेळीमेळीच्या वातावरणात झाली. यावेळी संस्थेकडून सभासदांना ११ टक्के लाभांश जाहीर करण्यात आला.
संस्थेचे सचिव नवनाथ मंचरे यांनी अहवालाचे वाचन केले. त्यामध्ये अनेक सभासदांनी प्रश्न उपस्थित करवून चर्चेमध्ये भाग घेतला यामध्ये कर्जमाफीच्या विषयावर अधिक चर्चा करण्यात आली. त्यामध्ये जो सभासद दरवर्षी वेळेत आपल्या कर्जाची रक्कम वेळेत भरणा करतोय तोच सभासद आजपर्यंत कर्जमाफीपासून वंचित आहे व जो सभासद प्रत्येक वेळी कर्जमाफीच्या आशेवर आहे अशा सभासदांना मात्र कर्जमाफीचे पैसे मिळण्यास सुरुवात झालेली आहे. या सरकारच्या धोरणामुळे जास्त प्रमाणात नाराजीचा सूर सरकारच्या विरोधात दिसून येत होता. संस्थेच्या सन २०२४/२५ भागभांडवलावर सभासदांच्या मागणीनुसार सभासदांना ११ टक्के लाभांश देण्याचे संस्थेचे अध्यक्ष भोजने यांनी जाहीर केले.
याप्रसंगी भिमाशंकर सहकारी कारखान्याचे संचालक रामचंद्र ढोबळे, शिवाजीराव भोजने, विलास लबडे, माजी उपसरपंच सचिन टाव्हरे, बाळासाहेब लबडे, संतोष कापडी, काशिनाथ ढोबळे, सुभाष भोजने, ताराबाई काकडे, यमुनाबाई कापडी, योगिता लबडे व सभासद उपस्थित होते. सभेला उपस्थित राहिल्याबद्दल संस्थेचे माजी उपाध्यक्ष गणेश खुडे यांनी आभार मानले.