जेजुरी, ता. २१ : महाराष्ट्र राज्य राष्ट्रवादी काँग्रेसच्या प्रदेश संघटक व जेजुरी नगरपरिषदेच्या माजी नगराध्यक्षा अमृता संदिप घोणे यांच्या पुढाकारातून महिलांसाठी ए आय व सायबर सुरक्षा यावर आधारित १५ दिवसांचे मोफत संगणक प्रशिक्षण आयोजित करण्यात आले होते. हे प्रशिक्षण क्रिएटिव्ह कॉम्प्युटर्स, जेजुरी यांच्या माध्यमातून राबविण्यात आले.
क्रिएटिव्ह कॉम्प्युटर्सचे संचालक भानुदास कोलते, रोहित कळमकर व अनिता भोईटे यांच्या सहकार्याने हे प्रशिक्षण देण्यात आले. या प्रशिक्षणासाठी महिलांनी उत्स्फूर्तपणे आपला सहभाग नोंदविला. प्रशिक्षणाच्या शेवटच्या दिवशी महिलांनी उपक्रमाचे कौतुक केले.
आजच्या आधुनिक काळामध्ये प्रसार माध्यमांचा योग्य वापर करण्यासाठी महिलांना देण्यात आलेल्या या प्रशिक्षणासाठी अमृता घोणे व भानुदास कोलते यांचे आभार व्यक्त केले.
आधुनिक तंत्रज्ञानामध्ये महिलांना सजग व प्रगत राहण्यासाठी ए आय व सायबर सिक्युरिटी वर आधारित १५ दिवसांचे संगणक प्रशिक्षण आयोजित करण्यात आले होते. हे प्रशिक्षण पूर्ण झाल्या नंतर पहिल्या वर्गातील महिलांना घोणे यांच्या हस्ते प्रमाणपत्र वाटप करण्यात आले. महिलांना या प्रशिक्षणाचा उपयोग लघु व्यवसाय व सुरक्षिततेसाठी करणार असल्याची ग्वाही दिली.