आळेफाटा, ता. २१ ः आळे (ता. जुन्नर) येथील ज्ञानमंदिर हायस्कूल व कनिष्ठ महाविद्यालयाचे सेवानिवृत्त ग्रंथपाल निवृत्ती गुरव यांनी मातोश्री कै. द्वारका ज्ञानेश्वर गुरव यांच्या स्मरणार्थ १० हजार रुपयांची देणगी दिली. त्यांनी १० हजार रुपये कायमस्वरूपी ठेव ठेवून त्या रकमेच्या व्याजातून दरवर्षी ज्ञानमंदिर हायस्कूल व कनिष्ठ महाविद्यालयातील दहावी व बारावीमध्ये प्रथम येणाऱ्या विद्यार्थ्यांस रोख रकमेच्या स्वरूपात बक्षीस देण्याचे ठरविले आहे. याबाबत प्राचार्य संदीप भवारी यांनी माहिती दिली.