जुन्नर (पुणे) : जुन्नर शहर व परिसरात कोरोनाबाधित रुग्णांची संख्या वाढत आहे. त्यामुळे जुन्नर शहर दहा दिवसांसाठी येत्या सोमवारपर्यंत (ता. २० जुलै) प्रतिबंधित क्षेत्र म्हणून जाहीर करण्यात आले आहे, अशी माहिती मुख्याधिकारी मच्छिंद्र घोलप यांनी दिली.
जुन्नर शहरात आजअखेर कोरोनाबाधित सात रुग्ण आढळून आले. त्यापैकी एक बरा झाला असून, सहा जण उपचार घेत आहेत. परिसरातील बारव, खानगाव, कुसूर, निरगुडे, येणेरे, माणिकडोह, सावरगाव, शिरोली बुद्रुक येथे देखील रुग्ण आढळून आले आहेत. त्यामुळे जुन्नर शहर केंद्रस्थानी ठेवून पाच किलोमीटरचा परिसर बफर झोन म्हणून जाहीर करण्यात आला आहे.
पुण्याच्या बातम्या वाचण्यासाठी येथे क्लिक करा
या परिसरातील नागरिकांचे घरोघरी भेटी देऊन दररोज सर्वेक्षण करण्यात येणार असून, संशयित रुग्णांची यादी तयार करण्यात येणार आहे. त्यांना घरात विलगिकरण केले जाणार आहे. तसेच, सौम्य व तीव्र स्वरूपाची लक्षणे असणाऱ्यांची वर्गवारी करण्यात येणार आहे. याबाबत सहायक जिल्हाधिकारी जितेंद्र डुड्डी यांनी पोलिस, महसूल, आरोग्य व नगरपालिका प्रशासनास आदेश दिले आहेत. या काळात अत्यावश्यक सेवा सुरू राहणार असून गावात येणारे सर्व रस्ते बंद राहणार आहेत.
Edited by : Nilesh Shende
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.