चास, ता. ३० ः कान्हेवाडी बुद्रुक येथे मॉडेल स्कूल उपक्रमांतर्गत जिल्हा परिषद प्राथमिक शाळेला नवीन चार वर्ग खोल्या तसेच जुन्या वर्ग खोल्या दुरुस्ती व अन्य सुविधा निर्माण करणे या कामासाठी जिल्हा शिक्षण अधिकार संजय नाईकडे यांच्या माध्यमातून तब्बल ७९.३३ लाख रुपये निधी प्राप्त झाला आहे. या कामाचे भूमिपूजन पाडळी-काळेचीवाडीच्या माजी सरपंच वैशाली काळे यांच्या हस्ते पार पडले.
या प्रसंगी सरपंच ऊर्मिला रुके, रोटरी क्लब राजगुरुनगरचे माजी अध्यक्ष अॅड. दत्ता रुके, ग्रामपंचायत अधिकारी कल्याणी राजगुरू, केंद्र प्रमुख जयश्री गोरे, सुभाष मुळूक, विशाल शिंदे आदींनी आपले विचार व्यक्त केले.
यावेळी उद्योजक संदीप घनवट, महेश काळे, विशाल शिंदे, ग्रामपंचायत सदस्य संतोष आंबेकर, शाळा व्यवस्थापन समितीचे अध्यक्ष प्रवीण मांजरे, शिक्षक संघटनेचे अभिजित नाईकरे, धनाजी कोळी, माजी ग्रामपंचायत सदस्य विठाबाई कोबल, ताई कोबल, पांडुरंग आढळराव आदी उपस्थित होते.
प्रास्ताविक माजी सरपंच बी. डी. कोबल यांनी केले. आभार मुख्याध्यापक सुरेश नाईकरे यांनी मानले.