सातगाव पठार (पुणे) : सातगाव पठार (ता. आंबेगाव) भागात खरीप हंगामातील सुमारे सहा ते सात हजार एकर शेती क्षेत्रात बटाटा पिकाची लागवड पूर्ण झाली असून लागवडीसाठी शेतकऱ्यांनी लाखो रूपयांची गुंतवणूक केली आहे. सध्या बटाटा पिकासाठी पावसाची नितांत आवशकता आहे. मात्र, पावसाने दडी मारल्याने पावसाअभावी या भागातील खरीप हंगाम धोक्यात येवू शकतो अशी शक्यता शेतकरी व्यक्त करत आहेत. सातगाव पठार भागात झालेल्या तुरळक पावसाच्या भरवशावरच शेतकऱ्यांनी आपल्या शेतात बटाटा पिकाची लागवड केली. सातगाव पठार भागातील मुख्य पिक बटाटा असल्याने शेतकऱ्यांचे संपूर्ण वर्षाचे आर्थिक गणित बटाटा पिकावरच अवलंबून असते. शेतकरी विविध बँका, पतसंस्था, सोसायटी आदींच्या माध्यमातून पिककर्जे घेवून बटाटा लागवड करतात.

पुणे : कोरोना काळात आरोग्य विभागाचे कार्यालयच बंद; कारण...

 यंदा बटाटा बियाणांचे वाढलेले दर तसेच औषधे व खतांचा तुटवडा यामुळे लागवडीसाठी एकरी दहा ते पंधरा हजार रूपये जास्त खर्च आला. लहान शेतकऱ्यांनी एक ते दोन लाख रूपये तर मोठ्या शेतकऱ्यांनी आठ ते दहा लाख रूपये बटाटा लागवडीसाठी गुंतवले आहेत. पावसाने दडी मारल्याने लागवड केलेल्या पिकाची वाढ थांबून पिक हातचे जावू शकते. त्यामुळे शेतकऱ्यांच्या चिंतेत वाढ झाली असून पावसाअभावी या भागातील खरीप हंगाम धोक्यात येवू शकतो अशी भिती बटाटा उत्पादक शेतकरी विकास बारवे, अशोक बाजारे, अनिल एरंडे, विवेक काळे, गणेश नवले आदींनी व्यक्त केली.

ताज्या बातम्यांसाठी डाऊनलोड करा ई-सकाळचे ऍप   

पुण्याच्या बातम्या वाचण्यासाठी येथे ► क्लिक करा

सध्या बटाटा लागवड पूर्ण होवून शेतांत बटाट्याचे पिक उगवून आले आहे. पिकाच्या वाढीसाठी पावसाची नितांत आवशकता आहे. जर वेळेवर पाऊस झाला नाही तर शेतकऱ्यांना नुकसानीस सामोरे जावे लागू शकते. लाखो रूपयांची केलेली गुंतवणूक वाया जावू शकते अशी शक्यता भावडी (ता. आंबेगाव) येथील बटाटा उत्पादक शेतकरी सोपान नवले यांनी व्यक्त केली.