वारजे (पुणे) : राष्ट्रवादी काँग्रेस पार्टी, कोथरुड विधानसभा मतदार संघाच्या वतीने राष्ट्रवादी काँग्रेसचे अध्यक्ष शरद पवार यांच्याबद्दल आक्षेपार्ह विधान करणाऱ्या भाजपाचे आमदार गोपीचंद पडळकर यांचा निषेध करण्यासाठी आंदोलन करण्यात आले. आज महर्षी कर्वे पुतळा चौक, कोथरुड येथे  पडळकर यांच्या फोटोला जोडे मारो आंदोलन करून जाहिर निषेध करण्यात आला. यावेळी सर्व पदाधिकाऱ्यांनी जोरदार घोषणा देऊन व जोडे मारुन पडळकर यांचा निषेध व्यक्त करण्यात आला. 

कोरोनाच्या धास्तीमुळे पुण्याबाहेर पडणाऱ्या नागरिकांचे प्रमाण वाढले

आंदोलनाच्या ठिकाणी पूर्णपणे सुरक्षित अंतर ठेवून शासकीय नियमांचे व फिजीकल डिस्टीन्सिंगचे पालन करण्यात आले. यावेळी राष्ट्रवादी  कोथरुड विधानसभा मतदार संघ अध्यक्ष स्वप्नील दुधाने, कार्याध्यक्ष नितीन कळमकर, माजी अध्यक्ष मिलिंद वालवडकर, वरिष्ठ उपाध्यक्ष अर्जुन ननावरे, बाबा खान, महिला अध्यक्ष आरती गायकवाड, युवक अध्यक्ष प्रमोद शिंदे, युवती अध्यक्ष योगिता बावकर, कामगार सेल अध्यक्ष राजेश गायकवाड, विद्यार्थी अध्यक्ष शुभम माताळे,  कोथरुडचे उपाध्यक्ष कैलास मकवान आदी पदाधिकरी उपस्थित होते.

पुण्याच्या बातम्या वाचण्यासाठी येथे ► क्लिक करा

यावेळी पडळकर यांचा जाहिर निषेध करणारा फ्लेक्स तयार केला होता. त्यावर पडळकर यांचा फोटोही लावण्यात आला होता. त्याच फोटोला राष्ट्रवादीच्या कार्यकत्यांनी निषेध म्हणून जोडे मारले. 

शरद पवार यांनी महाराष्ट्रासाठी सर्व आयुष्य वेचले आहे. आणि त्यांच्यावर असे आरोप होत असेल तर आम्ही गप्प बसणार नाही. पडळकरांना आम्ही त्यांची जागा दाखवूनच देऊ. 
स्वप्निल दुधाने, अध्यक्ष -राष्ट्रवादी कोथरूड विधानसभा मतदार संघ.