राज्याच्या राजकारणात गेल्या काही दिवसांपासून मोठ्या घडामोडी घडल्या. राष्ट्रवादीचे नेते अजित पवार यांच्यासह ८ नेत्यांनी शिवसेना-भाजप सरकारला पाठिंबा दिला. त्यानंतर राष्ट्रवादीत मोठी फुट पडली. त्यानंतर शरद पवारांनी आपली भुमिका स्पष्ट केली आहे. मी भाजपसोबत जाणार नाही असं शरद पवारांनी स्पष्टपणे सांगितलं आहे.

त्यानंतर राष्ट्रवादीमध्ये दोन गट पडले. राष्ट्रवादीतील बडे नेते अजित पवार यांच्या सोबत आहेत, तर इतर नेते शरद पवार यांच्यासोबत उभे आहेत. आता राष्ट्रवादी कोणाची हा चेंडू आता निवडणूक आयोगासमोर आहे. अशातच पक्षाची पुर्नबांधणी करण्यासाठी दोन्ही गट प्रयत्न करत आहेत. तर राष्ट्रवादी काँग्रेस हा पक्ष नक्की कोणाचा नेते, कार्यकर्ते कोणाच्या सोबत आहेत यासाठी पक्षांनी प्रयत्न सुरू केले आहेत.

पुणे शहरात शरद पवारांच्यासोबत आपण आहोत हे सांगण्यासाठी कोथरूड विधानसभा मतदारसंघात 'मी शरद मित्र' या नावाखाली सदस्य नोंदणी अभियान सुरू करण्यात आले आहे. राष्ट्रवादी काँग्रेसचे कोथरूड विधानसभा मतदारसंघाचे अध्यक्ष स्वप्निल दुधाने यांनी या अभियानाची सुरुवात केली आहे.

आज राष्ट्रवादी काँग्रेसच्या राज्यसभेच्या खासदार वंदणा चव्हाण यांच्या हस्ते या अभियानाची सुरुवात होणार आहे. या अभियानाच्या माध्यमातून पुणे शहरातील किती कार्यकर्ते शरद पवारांसोबत आहेत यासंबधीचे चित्र स्पष्ट होण्याची शक्यता आहे.

पुण्यातील कोथरूड परिसरात राष्ट्रवादी काँग्रेस शरद पवार गटाकडून नवीन अभियान सुरु करण्यात आला आहे, 'आम्ही शरदमित्र' या नावाने नोंदणी करण्यात येणार आहे. पुण्यातील कोथरूड भागातून सदस्य नोंदणीचा शुभारंभ आज करण्यात आला आहे. खासदार वंदना चव्हाण यांच्या हस्ते उद्घाटन होणार आहे. जास्तीत जास्त सदस्यांची नोंदणी करून घेण्यासाठी राष्ट्रवादी काँग्रेसचं अभियान होत आहे.