राजेश कणसे

आळे (ता.जुन्नर) बालकावर हल्ला करून ठार केल्याची घटना घडल्याने वन विभागाने या ठिकाणी १६ पिंजरे लावले होते. या पिंजऱ्यात मंगळवार दि.१० रोजी पहाटेच्या सुमारास एक बिबट्या जेरबंद करण्यात वन विभागाला यश आले होते तर दुसरा बिबट्या रविवार दि.१४ रात्री पुन्हा दुसरा बिबट्या जेरबंद करण्यात वनविभागाला यश आले आहे. सदर बिबट्याला माणिक डोह येथील बिबट निवारण केंद्रात हलवण्यात आले असल्याची माहिती वन विभागाच्या वतीने देण्यात आली.

या बाबत सविस्तर माहिती अशी की आळे (ता.जुन्नर) येथील‌ तितर मळ्यातील शिवांश अमोल भुजबळ या तीन वर्षीय मुलावर बिबट्याने सोमवार दि.०९ रोजी हल्ला करून ठार केल्यानंतर मंगळवार (दि.१०) वनविभागाने घटनास्थळी व परिसरात बिबट्याला जेरबंद करण्यासाठी १५ ठिकाणी पिंजरे लावले होते तर १५ ठिकाणी ट्रॅप कॅमेरा बसवण्यात आले होते. तोच नरभक्षक बिबट्या आहे का या बाबत माहिती मिळाली नाही.

दरम्यान जुन्नर तालुक्यात बिबट्यांची वाढती संख्या व आळे गावात बिबट्याच्या हल्ल्याने बालकाचा झालेला मृत्यू तसेच आळे गावात बागायती व ऊसाचे क्षेत्र जास्त असल्याने तसेच अनेक वेळा दुचाकीस्वारांवर,पाळीव प्राण्यांवर हल्ले होत असुन यासाठी शासनाने यावर ठोस पावले उचलण्यासाठी

त्याच्यावर तातडीने उपाययोजना करावा यासाठी आळे ग्रामपंचायतीच्या वतीने सरपंच प्रितम काळे,उपसरपंच ॲड विजय कु-हाडे व सर्व सदस्य यांच्या वतीने राज्याचे उपमुख्यमंत्री अजीत पवार,वनमंत्री सुधीर मुनगंटीवार यांणा निवेदन दिले आहे.