ओतूर : जुन्नर येथील कोळमळा येथे वनविभागाकडून लावण्यात आलेल्या पिंजर्यात सोमवारी पहाटे बिबट्या जेरबंद झाला असल्याची माहिती वनपरिक्षेत्र अधिकार वैभव काकडे यांनी दिली. मागच्या आठवड्यात ओतूर येथील जाकमाथा परीसरात बिबट्याच्या हल्यात बारा वर्षीय परप्रांतीय मुलगा ठार झाल्याच्या पाश्र्वभूमीवर वनविभागाकडून या बिबट्याचा बंदोबस्त करण्यासाठी याभागात सहा पिंजरे लावण्यात आले होते.
पैकी मागच्या सोमवारी पहाटे पुर्ण वाढ झालेला नरभक्षक जातीचा बिबट्या जेरबंद झाला होता.त्यानतंर सोमवार ता.२४ रोजी पहाटे पाच वाजे दरम्यान याच पिंजर्या पैकी कोळमळा परीसरात लावलेल्या पिंजर्यात बिबट्या जेरबंद झाला.
सदर जेरबंद बिबट्याला ओतूर चे वनपरिक्षेत्र अधिकार वैभव काकडे यांच्या मार्गदर्शनाखाली वनपाल रुपाली जगताप,वनरक्षक पी.के.खोकले वनकर्मचारी किसन केदार , गंगाराम जाधव,फुलचंद खंडागळे, जयराम जाधव इत्यादींनी या बिबट्यास सुखरूप माणिकडोह बिबट्या निवारा केंद्रात दाखल केले. सदर बिबट्या हा मादी असून अंदाजे एक ते दोन वर्षाचा असल्याची माहिती वनविभागाकडून देण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.