नारायणगाव : येथील पुणे - नाशिक महामार्गावर श्री साई बालाजी हॉटेल जवळ अज्ञात वाहनाची धडक बसून नर जातीचा बिबट्याचा मृत्यू झाला. आज सायंकाळी साडेआठ वाजेच्या सुमारास घडली.

मृत्यू झालेला बिबट्या अंदाजे वय आठ ते नऊ वर्ष वयाचा आहे. अशी माहिती आपदा मित्र सुशांत भुजबळ यांनी दिली. वाहनाची धडक बसून बिबट्याचे पाय व डोके या अवयावांना दुखापत झाल्याने त्याचा जागीच मृत्यू झाला आहे.

घटनास्थळी रेस्क्यू टीम सदस्य किरण वाजगे, माजी उपसरपंच संतोष वाजगे,सुजित खैरे,पोलीस पाटील तथा आपदा मित्र सुशांत भुजबळ,ग्राम सुरक्षा दलातील जवान हर्ष भास्कर,पुष्कराज तांबे,आदित्य डेरे, सिद्धेश ढवळे,निखिल जगताप, अजय दरंदळे,अमन चौधरी, विपुल कोल्हे,दर्पण पवार,

वन कर्मचारी खंडू भुजबळतातडीने दाखल झाले. वनपाल अनिता होले यांच्या सूचनेनुसार त्यांनी मृत बिबट्याला गाडीत टाकून शवाविच्छेदन करण्यासाठी माणिकडोह येथील निवारा केंद्र हालवले. पुणे नाशिक महामार्गावर वन्य प्राण्यांच्या मृत्यूच्या घटना वाढले आहेत.

नारायणगाव ते 14 नंबर दरम्यान मागील एक वर्षात दोन कोल्हे, एक तरस, पाच बिबट्यांचा मृत्यू झाला आहे.या भागातून मीनापूरक, डिंभेडावा कालवा, मीना नदी आहे. तसेच या भागात बागायती ऊस शेती मोठ्या प्रमाणात आहे.

रात्रीच्या वेळी पाणी व भक्षाच्या शोधात बिबटे व इतर वन्य प्राणी पुणे नाशिक महामार्ग ओलांडत असताना वाहनाच्या धडकेने मृत्युमुखी पडतात. घटना वारंवार घडत असून देखील वनविभागाकडून कोणतीही ठोस उपाययोजना केली जात नाही.