भुकूम (पुणे) : मुळशी तालुक्यातील रिहे येथील शेडगेवाडीत मंगळवारी रात्री बिबट्या आढळला. ग्रामस्थांनी फटाके वाजवून व आरडोओरडा करून त्यास पळवून लावले. येथे वनखात्याने पिंजरा लावावा, अशी मागणी ग्रामस्थांनी केली आहे. 

पुण्यामध्ये आजपासून नवीन नियम लागू...

रिहे येथील अनिता सुरेश मोरे यांच्या घराबाहेर शेळ्यांचा गोठा आहे. तसेच, तेथे कोंबड्याही ठेवलल्या जातात. मंगळवारी रात्री नऊ वाजण्याच्या सुमारास त्या घराबाहेर आल्या. त्यावेळी कुत्रे असावे म्हणून आवज देत दगड मारला, पण त्याने काहीच हालचाल केली नाही. त्यामुळे त्यांनी दुसरा दगड मारल्यावर बिबट्या दिसला. त्यामुळे त्या मोठ्याने ओरडल्या. घरातील व आजूबाजूचे ग्रामस्थ आल्याने बिबट्या बांधावरून पळाल्याचे सर्वांनी पाहिले. तसेच, रात्री दहा वाजता बिबट्या पुन्हा आल्याने ग्रामस्थांनी फटाके वाजवून त्यास पळवून लावले. बिबट्याच्या दर्शनाने रिहे गाव आणि  येथील बोडकेवाडी, खेंगरेवाडी, मोरेवाडी ग्रामस्थांमध्ये मोठी दहशत पसरली आहे. 

कोरोनामुळे 78 टक्के लघू, सूक्ष्म उद्योगांचे काम बंद 

याबाबत माजी सरपंच अनिल मोरे,  केशव पडळघरे यांनी सांगितले की, रिहे गावाच्या वाड्या डोंगरावर वसलेल्या आहेत. येथील डोंगराच्या पलिकडे कासारसाई गाव असून, तेथे नेहमी बिबट्या दिसला आहे. त्यामुळे तो येथे येणे शक्य आहे. वनआधिकारी रावसाहेब चौरे यांनी ठसे पाहून बिबट्याच असल्याचे सांगितले. 

जिल्ह्यात हरघर गोठे, घरघर गोठे...

रिहे परिसरात पोल्ट्री मोठ्या प्रमाणावर आहेत. त्यांच्या व कुत्र्यांमुळे बिबट्या येथे येऊ शकतो. तसेच, पाऊस येऊन गेल्यामुळे डोंगरावर झुडपे मोठ्या प्रमाणावर वाढली असून, बिबट्या त्याचा फायदा बिबट्या घेऊन कधीही हल्ला करू शकतो. त्यासाठी काळजी घ्यावी.  ग्रामस्थांनी रात्री बाहेर पडू नये. सापळा लवकरच लावण्यात येईल, असे चौरे यांनी सांगितले.

पुण्याच्या बातम्या वाचण्यासाठी येथे ► क्लिक करा
  
दरम्यान, मुळशी तालुक्यात रिहे गावाजवळ मुलखेड येथे यापूर्वी बिबट्याला सापळा लावून पकडण्यात आले होते. तसेच, मुगावडे, चाले गावातही या पूर्वी बिबट्याचे दर्शन झाले होते.