पुणे - लाइफ सेव्हिंग फाउंडेशन, नवचैतन्य हास्ययोग परिवार आणि पुणे पोलिस (वाहतूक विभाग) यांच्या वतीने ‘नो हाँकिंग डे’ अर्थात एक दिवस हॉर्नला पूर्ण विश्रांती, अशी संकल्पना राबविण्यात येत आहे.

पुण्यात साधारणतः दररोज एक कोटी पेक्षा जास्त वेळा हॉर्न वाजवला जातो व यातील ९० टक्के हॉर्न अनावश्‍यक असतो. त्यामुळे नो हॉर्न या संकल्पनेला प्रोत्साहन देण्यासाठी शनिवारी (ता. १२) या उपक्रमाचे आयोजन करण्यात आले असल्याची माहिती लाइफ सेव्हिंग फाउंडेशनचे देवेंद्र पाठक यांनी पत्रकार परिषदेत दिली. 

ताज्या बातम्यांसाठी डाऊनलोड करा ई-सकाळचे ऍप

नवचैतन्य हास्ययोग परिवाराचे मकरंद टिल्लू व प्रा. पद्माकर पुंडे यावेळी उपस्थित होते. कोरोनामुळे यंदा मुख्य कार्यक्रम ऑनलाइन स्वरूपात होणार असून शनिवारी दुपारी बारा वाजता प्रातिनिधिक स्वरूपात टिळक चौक (अलका टॉकीज चौक) येथे जनजागृतीपर कार्यक्रम होणार आहे. 

पुण्याच्या बातम्या वाचण्यासाठी येथे ► क्लिक करा

टिल्लू म्हणाले, ‘‘शाळा, हॉस्पिटल अशा ठिकाणी नो हॉर्न विषयी जनजागृती करणारे फलक असतात. परंतु आपण त्यांना  विशेष गांभीर्याने घेत नाही. त्याची आठवण पुणेकरांना करून देण्यासाठी हा उपक्रम राबविण्यात येत असून शहरातील विविध ठिकाणी जनजागृतीपर कार्यक्रम राबविण्याचे आवाहन देखील पुणेकरांना आम्ही करत आहोत.’’