पुणे : लॉकडाऊनच्या तिसऱ्या टप्प्यात पुणे, पिंपरी-चिंचवडसह जिल्ह्यातील प्रतिबंधित क्षेत्र (कंटेनमेंट झोन) वगळून मद्य विक्रीला अखेर परवानगी देण्यात आली आहे. सकाळी दहा ते सायंकाळी सहापर्यंत मद्य विक्रीची दुकाने सुरू राहतील. जिल्हाधिकारी नवल किशोर राम यांनी याबाबतचे आदेश सोमवारी दुपारी जारी केले.
या संदर्भात राज्य उत्पादन शुल्क विभागाचे अधीक्षक संतोष झगडे यांनी दिलेल्या माहितीनुसार, कंटेनमेंट झोन वगळून घाऊक, ठोक विक्रेते आणि किरकोळ मद्य विक्रीच्या दुकानांचे व्यवहार सुरु करण्याबाबत अटी- शर्तींसह परवानगी दिली आहे. पुणे जिल्ह्यात शहरी आणि ग्रामीण भागातील कंटेनमेंट झोन वगळून वाईन शॉप, बिअर शॉपी आणि देशी दारु किरकोळ विक्रीचे व्यवहार सुरू राहतील. तसेच, शहरी भागातील कंटेनमेंट झोन वगळून अन्य भागातील ठोक मद्य विक्रेत्यांचे व्यवहार चालू राहतील.
ताज्या बातम्यांसाठी डाऊनलोड करा ई-सकाळचे ऍप
विक्रेत्यांसाठी मार्गदर्शक सूचना :
- सर्व नोकराची, कामगारांची थर्मल स्कॅनिंग करावी.
- ज्या नोकरास सर्दी, खोकला, ताप यासारखी लक्षणे आहेत, त्यास प्रवेश देऊ नये.
- फक्त सीलबंद मद्यविक्री करण्यास परवानगी राहील.
- मद्यविक्रीच्या दुकानांसमोर 5 पेक्षा अधिक ग्राहक एकावेळी असता कामा नयेत.
- दोन ग्राहकांमध्ये किमान 6 फुटअंतर असणे अनिवार्य
- दुकानांसमोर प्रत्येक सहा फुटावर वर्तुळ आखून घ्यावीत.
- विक्रेत्याने सर्व ग्राहकांची थर्मल स्कॅनिंग करावी.
- दुकान आणि सभोवतालचा परिसर दर दोन तासांनी निर्जंतुकीकरण करणे आवश्यक
- दुकानात येणाऱ्या ग्राहकांसाठी सॅनिटायझर मुबलक प्रमाणात उपलब्ध करुन देण्याची जबाबदारी विक्रेत्याची राहील.
- लॉकडाऊनबाबत मार्गदर्शक तत्वे पाळणे बंधनकारक
- कोणत्याही परिस्थितीत मद्य विक्रीच्या दुकानांमध्ये मद्यप्राशन होणार नाही यांची दक्षता घ्यावी.
- मार्गदर्शक तत्त्वांचा भंग केल्यास कायद्यातील तरतुदीनुसार कडक कारवाई
- मद्यविक्री दुकानाच्या प्रवेशद्वारावर दर्शनी भागात फलक सूचनांचा फलक लावण्यात यावा.
कोरोनाशी संबंधित पुण्याच्या बातम्या वाचण्यासाठी येथे ► क्लिक करा
मद्य उत्पादक आणि ठोक विक्रेत्यांसाठी :
पुणे व पिंपरी चिंचवड महापालिका क्षेत्र वगळून शहरी भागातील औद्योगिक वसाहती व औद्योगिक टाऊनशिपमधील मद्य उत्पादक कारखाने नियंत्रित प्रवेश असल्यास सुरू राहतील. सर्व कामगारांची थर्मल स्कॅनिंग करावी व ज्या कामगारास सर्दी, खोकला व ताप यासारखी लक्षणे आहेत त्यास प्रवेश देऊ नये. सोशल डिस्टींगचे कसोशीने पालन करण्यात यावे.
ठोक विक्रेत्यांनी 50 टक्के मनुष्यबळात काम करुन सोशल डिस्टन्सिंगचे पालन करावे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.