संत ज्ञानेश्वर महाराज आणि संत तुकाराम महाराजांच्या पालखीचे शहरात रविवारी (ता. ३०) उत्साहात आगमन झाले. आठशे वर्षांहून अधिक जुनी परंपरा असलेल्या पंढरपूर वारीसाठी लाखो वारकरी पुण्यात दाखल झाले आहेत. या लाइव्ह पालखी सोहळ्याचे लोकेशन, पालखी कोठपर्यंत पोचली आणि शेवटचे टोक कोठे आहे, याची माहिती देण्यासाठी लाईव्ह लोकेशनची सुविधा उपलब्ध करून देण्यात आली आहे.

शहरातील मध्यवर्ती भागातील बहुतांश रस्ते वाहतुकीसाठी रविवारी सायंकाळी बंद करण्यात आले आहेत. वाहनचालकांनी आज ३० जून आणि २ जुलै रोजी रस्त्यावर कमीत कमी वाहनांचा वापर करावा, असे आवाहन अतिरिक्त पोलिस आयुक्त मनोज पाटील आणि पोलिस उपायुक्त (वाहतूक) रोहिदास पवार यांनी केले आहे.

पुणे शहर वाहतूक पोलिसांकडून लाइव्ह पालखी ट्रॅकिंग लिंक देण्यात आली आहे. जेणेकरून भाविकांना दर्शनासाठी पालखी रथांचे नेमके स्थान समजेल. तसेच, वाहनचालकांना त्यांच्या प्रवासाचे नियोजन करता येणार आहे.

लाइव्ह पालखी ट्रॅकिंग लिंक :

https://diversion.punepolice.gov.in/