पुणे - लोहगाव विमानतळासह 85 शहरांतील विमानतळ प्लॅस्टिकमुक्त झाल्याची घोषणा भारतीय विमानतळ प्राधिकरणाने (एएआय) केली. प्रदूषणमुक्तीसाठी हे प्रयत्न मोलाचे ठरणार आहेत, असेही "एएआय'ने म्हटले आहे. 

 ताज्या बातम्यांसाठी डाऊनलोड करा ई-सकाळचे ऍप

पंतप्रधान नरेंद्र मोदी यांच्या नेतृत्वाखालील सरकारने प्लॅस्टिकबंदीचा निर्णय घेतल्यावर भारतीय विमानतळ प्राधिकरणाने देशातील सर्व विमानतळांना याबाबतच्या सूचना दिल्या आहेत. त्यानुसार लोहगाव विमानतळावरही शीतपेयांच्या बाटल्यांत प्लॅस्टिकचे स्ट्रॉ वापरण्यास बंदी घातली आहे; तसेच प्लॅस्टिकच्या बाटल्यांसाठी क्रशिंग मशीन आदी उपाययोजना केल्या आहेत. प्रवाशांमध्ये जागरूकता निर्माण करण्यासाठीही वर्षभरात उपक्रम राबविण्यात आले. त्यात विमानतळ कंपन्यांनीही मोलाचे सहकार्य केल्याने प्लॅस्टिकमुक्तीचे उद्दिष्ट साध्य करता आले, असे "एएआय'ने प्रसिद्धी पत्रकात म्हटले आहे. भविष्यात संपूर्णत- आणि सर्व प्रकारच्या प्लॅस्टिकबंदीचे उद्दिष्ट गाठायचे असल्याचेही त्यांनी म्हटले आहे.