लोहगाव : उपमुख्यमंत्री अजित पवार यांच्या निधनानंतर गुरुवारी (ता. २९) लोहगाव परिसरातील बाजारपेठा बंद ठेवण्यात आल्या. येथील सर्वपक्षीय पदाधिकारी व ग्रामस्थांनी या बंदचे आवाहन केले होते. त्याला प्रतिसाद देत लोहगावातील व्यापाऱ्यांनी स्वयंस्फूर्तीने दुकाने बंद ठेवली. वैद्यकीय सेवा व अत्यावश्यक आस्थापने वगळता इतर सर्व प्रकारची दुकाने व व्यावसायिक आस्थापनांचे व्यवहार बंद होते. यामुळे रस्त्यांवर शुकशुकाट दिसून आला. कोणताही अनुचित प्रकार घडू नये यासाठी प्रशासन व पोलिसांकडून दक्षता घेण्यात आली होती.