पुणे - जिल्हा निवडणूक प्रशासनाने जिल्ह्यातील अतिसंवेदनशील मतदान केंद्रांची यादी तयार केली आहे. त्यात पुणे, बारामती, मावळ आणि शिरूर लोकसभा मतदारसंघात २५७ मतदान केंद्रे अतिसंवेदनशील असल्याचे जिल्हा प्रशासनाकडून सांगण्यात आले. त्या केंद्रांवर अनुचित प्रकार घडू नये, यासाठी चोख पोलिस बंदोबस्त ठेवण्यात येणार आहे.
या निवडणुकीत जिल्ह्यातील चार मतदारसंघात मतदारांच्या संख्येत वाढ झाली आहे. त्यानुसार मतदान केंद्रांच्या संख्येतही वाढ करण्यात आली आहे. पुणे मतदारसंघात एक हजार ९४४ मतदान केंद्रे, बारामती मतदारसंघात दोन हजार ३०३, मावळ मतदारसंघात दोन हजार ४०५ आणि शिरूर मतदारसंघात दोन हजार २७ मतदान केंद्रांवर मतदान प्रक्रिया पार पडणार आहे. मागील काही निवडणुकीत ज्या मतदान केंद्रांवर दुबार मतदान, फेरफार, गोंधळ आणि इलेक्‍ट्रॉनिक व्होटर मशीनमध्ये (ईव्हीएम) बिघाड होण्याचे प्रकार घडले होते. अशी २५७ मतदान केंद्रे अतिसंवेदनशील म्हणून घोषित केली आहेत.
त्यात पुणे मतदारसंघात सर्वाधिक ९२ मतदान केंद्रे, मावळ ८४ (उरण, कर्जत, पनवेल), बारामती ६२ आणि शिरूर मतदारसंघातील १९ केंद्रांचा समावेश आहे. या केंद्रांवर एक हजारपेक्षा जास्त व्हिडिओ कॅमेऱ्यांची व्यवस्था करण्यात येणार असल्याचे सूत्रांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.