MDH26B05163
माढा : येथील क्रीडा संकुलातील कामाचे भूमिपूजन करताना आमदार अभिजित पाटील, मीनल साठे, राजेंद्र चवरे व मान्यवर.
........
माढ्याच्या क्रीडा संकुलासाठी
तीन कोटी रुपयांचा निधी मंजूर
........
माढा, ता. ४ : माढा तालुक्यातील खेळाडूंना हक्काचे मैदान मिळावे व त्यांना आधुनिक सोयी-सुविधा उपलब्ध व्हाव्यात यासाठी माढा शहरात क्रीडासंकुल कामासाठी तीन कोटींचा निधी मंजूर करण्यात आला आहे.
यावेळी आमदार अभिजित पाटील म्हणाले, की अनेक दिवसांपासून क्रीडा संकुलाचा प्रश्न प्रलंबित असताना त्याचा पाठपुरावा करून त्याचा आराखडा तयार होऊन आज भूमिपूजन होत असताना मनापासून आनंद होत आहे. माढा तालुक्यातील गुणवंत खेळाडूंना हक्काचे मैदान व आधुनिक सोयी-सुविधा उपलब्ध व्हाव्यात यासाठी नक्कीच फायदा होईल. सुमारे ३ कोटी रुपयांचा निधी मंजूर झाला असून पुढेही निधी आणण्यासाठी प्रयत्नशील आहे. क्रीडा संकुलात इनडोअर खेळ हॉल, रनिंग ट्रॅक, क्रीडांगण, स्वच्छतागृह व अभ्यासिका, पुरुष व महिलांसाठी स्वतंत्र जिम, प्रशस्त हॉल, चेंजिंग रूम यासह अद्ययावत सोयी उपलब्ध होणार आहेत.
यावेळी नगराध्यक्षा मीनल साठे, तहसीलदार संजय भोसले, तालुका क्रीडाधिकारी नदीम शेख, उपनगराध्यक्षा कल्पना जगदाळे, राजाभाऊ चवरे, आनंद कानडे, बालाजी पाटील, नितीन कापसे, संतोष दळवी, नीलेश पाटील आदी उपस्थित होते.