MLG26B03202
माळीनगर (ता. माळशिरस) : राज्यस्तरीय नवोपक्रम स्पर्धेतील तृतीय क्रमांकाचे पारितोषिक स्वीकारताना महेश गायकवाड.

राज्यस्तरीय नवोपक्रम स्पर्धेत
गायकवाड यांचा तृतीय क्रमांक
..........
माळीनगर, ता. ४ : राज्य शैक्षणिक संशोधन व प्रशिक्षण परिषद (एससीईआरटी), महाराष्ट्र यांच्यावतीने आयोजित राज्यस्तरीय नवोपक्रम स्पर्धेत ताम्हाणेवस्ती (ता. माळशिरस) येथील जिल्हा परिषद प्राथमिक शाळेचे शिक्षक महेश गायकवाड यांनी उल्लेखनीय यश संपादन करत राज्यात तृतीय क्रमांक मिळवला आहे. त्यांनी सादर केलेल्या ‘डिजिटल वाचक’ या शैक्षणिक नवोपक्रमाला परीक्षकांकडून विशेष दाद मिळाली.
‘डिजिटल वाचक’ या उपक्रमाच्या माध्यमातून विद्यार्थ्यांमध्ये वाचनाची आवड निर्माण होण्यास मदत झाली असून डिजिटल साधनांच्या साहायाने शिक्षण अधिक सोपे, आकर्षक आणि परिणामकारक बनले आहे. या नवोपक्रमामुळे केवळ त्यांच्या शाळेतील विद्यार्थ्यांनाच नव्हे तर इतर विद्यार्थ्यांनाही आधुनिक पद्धतीने शिक्षण घेण्याची संधी उपलब्ध झाली आहे. या यशामागे डाएट अधिव्याख्याता रामदास टोणे, गटशिक्षणाधिकारी सुषमा महामुनी, केंद्रप्रमुख ज्ञानेश्वर बेंदगुडे, मुख्याध्यापक सिद्धार्थ दुपारगुडे यांचे मार्गदर्शन लाभले.