पुणे : पत्नी व तिच्या माहेरच्या लोकांकडून सातत्याने होणाऱ्या अपमानामुळे व मानसिक त्रासाला कंटाळून पतीने लग्नानंतर अवघ्या सात महिन्यात गळफास घेऊन आत्महत्या केली. ही घटना हडपसरमधील ससाणेनगर येथे 23 डिसेंबरला रात्री एक वाजता घडली. सतीश बापू गायकवाड (वय 22 , रा.साडे, करमाळा, सोलापूर) असे आत्महत्या केलेल्या तरुणाचे नाव आहे.

ताज्या बातम्यांसाठी डाऊनलोड करा ई-सकाळचे ऍप

याप्रकरणी ज्योती गायकवाड (वय 50) यांनी हडपसर पोलिस ठाण्यात फिर्याद दिली आहे. त्यावरून सतीशला आत्महत्या करण्यास प्रवृत्त केल्याप्रकरणी त्याची पत्नी, सासरे, मेव्हणा व मेहुणी यांच्याविरुद्ध हडपसर पोलीस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार, सतीशचा सात महिन्यांपूर्वी विवाह झाला होता. तो त्याच्या पत्नीसह ससाणेनगर येथे राहात होता. दरम्यान, सतीशची पत्नी, सासरे,मेव्हणा-मेहुणी हे त्याचा सातत्याने अपमान करीत होते. तसेच, त्याला मोठ्या प्रमाणात मानसिक त्रास देत होते. त्यामुळे या त्रासाला कंटाळून त्याने 23 डिसेंबरला मध्यरात्री एक वाजण्याच्या सुमारास राहत्या घरी गळफास घेऊन आत्महत्या केली.

पुण्याच्या बातम्या वाचण्यासाठी येथे ► क्लिक करा 

या प्रकरणी सतीशच्या नातेवाईकांनी हडपसर पोलिस ठाण्यात तक्रार अर्ज दिला होता. त्यानुसार हडपसर पोलिसांनी या प्रकरणाची चौकशी करून गुन्हा दाखल केला.