पुणे शहरातून एक धक्कादायक बातमी समोर आली आहे. शहरातील येरवडा परिसरात चारित्र्याच्या संशयावरुन पतीने पत्नीची गळा चिरून निर्घृण हत्या केल्याचा प्रकार समोर आला आहे. पोलिसांच्या प्राथमिक तपासानुसार, या दाम्पत्याच्या लग्नाला अवघे दीड वर्ष झाले होते. तर त्यांना सात महिन्याची मुलगी आहे.

मिळालेल्या माहितीनुसार, आशिष भोसले असे आरोपी पतीचे नाव असून त्याने आपली पत्नी रूपाली भोसले हिचा निर्घृण खून केल्याने परिसरात एकच खळबळ उडाली आहे. आशिष हॉटेलमध्ये साफ सफाईचे काम करतो तर रूपाली धुणे-भांडी करून घर चालवत होती.

अशिष हा रुपालीचे अनैतिक संबंध असल्याचा संशय घेत होता. त्यातून दोघांमध्ये सतत भांडणे होतं असत. दरम्यान शनिवारी रात्री आशिषने जोरदार भांडण झालं. यावेळी आशिषने रुपालीला शिवीगाळ केली. तसेच आशिषने धारदार चाकूने पत्नीच्या गळ्यावर, मानेवर आणि पोटावर वार करून तिला जखमी केले. उपचारासाठी रुपाली भोसले यांना रुग्णालयात नेण्यात आले मात्र त्याच्या आधीच त्यांचा मृत्यू झाला होता.