पुणे: मनोज जरांगे पाटील यांच्या नेतृत्वाखालील जनजागृती व शांतता रॅलीला पुण्यात सहा तासांच्या विलंबाने सुरुवात झाली. या रॅलीत लाखोंच्या संख्येने मराठा बांधव सहभागी झाले होते. सकाळपासूनच भर पावसात मनोज जरांगे पाटील यांची वाट पाहणारे समर्थक मोठ्या उत्साहाने सहभागी झाले.
मनोज जरांगे पाटील यांनी साम टिव्ही सोबत बोलताना पंकजा मुंडे यांच्या विधान परिषदेच्या निवडीवर भाष्य केले. "पंकजा मुंडे यांनी माझे आभार मानले पाहिजे, त्यांना विधान परिषद तरी भेटली मी त्यांना पडा असं बोललो नाही," असे त्यांनी सांगितले.
प्रकाश आंबेडकर यांच्याबद्दल बोलताना मनोज जरांगे यांनी काही भाष्य न करण्याचा निर्णय घेतला. "प्रकाश आंबेडकर यांच्याबद्दल मी काही बोलणार नाही, पुढं काही होऊ शकतं," असे त्यांनी नमूद केले.
"मी पुण्यातील समाजाचा आभार मानतो, आरक्षणाच्या लढ्यामध्ये माझ्यासोबत ते राहिले. ही लढाई माझी एकट्याची नाही, सर्व समाजाची आहे, आणि मी समाजासोबत शेवटपर्यंत राहणार आहे," असे जरांगे म्हणाले. तसेच, अनिल बोंडे आणि देवेंद्र फडणीस यांच्या विधानांकडे त्यांनी दुर्लक्ष केले आणि ओबीसीतून आरक्षण मिळवून देण्याचे वचन दिले.
"आरक्षण मिळवायचे असेल तर आपली माणसे विधानसभेत हवीत. २८८ जागांची चाचपणी पूर्ण झाली आहे, लवकरच आमचे उमेदवार पुढं येतील," असे त्यांनी सांगितले. तसेच, २९ तारखेला अंतरवली येथे मोठा निर्णय घेण्याचे संकेत दिले.
"ओबीसी समाजातील काही लोक आणि मराठा समाजातील काही लोक मला बदनाम करत आहेत," असे सांगत त्यांनी या आरोपांची निंदा केली. "सर्व सामान्य लोकांचं सरकार आणणार," असे आश्वासन देत जरांगे यांनी समाजाच्या हितासाठी लढण्याचे वचन दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.