दौंड : दौंड शहरात शिवसेना (ठाकरे गट) खासदार संजय राऊत यांच्या विरोधात तीव्र घोषणाबाजी करण्यात आली आहे. दौंड शहरात सकाल मराठा समाजाच्या वतीने आरक्षणाच्या मागणीसाठी साखळी उपोषण सुरू आहे. उपोषण स्थळाजवळच खासदार संजय राऊत हे थांबले आहेत.

त्याची माहिती मिळताच सकल मराठा समाजातील तरूणांनी हाॅटेलच्या प्रवेशद्वाराजवळ येऊन संजय राऊत यांच्या विरोधात ' चले जाव, चले जाव ' सह तीव्र शब्दात घोषणाबाजी केली. मराठा आरक्षण आंदोलनावर 'सामना' या वृत्तपत्रात मागील काळात एका व्यंगचित्राद्वारे करण्यात आलेल्या टीका प्रकरणी या वेळी त्यांच्यावर शेरेबाजी करण्यात आली. स्थानिक शिवसेना पदाधिकाऱ्यांनी मराठा समाजाच्या तरुणांशी या बाबत संवाद साधला परंतु तरूण आपल्या भूमिकेवर ठाम होते.