मांडवगण फराटा - बाभुळसर बुद्रुक (ता. शिरूर) येथे सकल मराठा समाजाला आरक्षण मिळावे यासाठी संघर्षयोद्धा मनोज जरांगे पाटील यांच्या मराठा आरक्षण आंदोलनाला पाठिंबा देण्यासाठी आज बाभूळसर बुद्रुक (ता. शिरूर) येथे सकल मराठा समाजाच्या वतीने युवक व ग्रामस्थ यांनी ग्रामसेवक व सरपंच यांना निवेदन दिले.

यावेळी गावच्या सरपंच दिपाली महेंद्र नागवडे यांनी आपल्या सरपंचपदाचा राजीनामा ग्रामसेवक गायकवाड भाऊसाहेब यांच्याकडे सुपूर्द केला.

"मराठा समाजाला आरक्षण नसल्यामुळे मुलांना शैक्षणिक व नोकरी मिळवण्यासाठी पात्रता असूनही संधी मिळत नाही. मनोज जरांगे पाटील यांनी सुरू केलेल्या आंदोलनाला पाठिंबा देण्यासाठी मी सरपंचपदाचा राजीनामा ग्रामसेवक गायकवाड भाऊसाहेब यांच्याकडे देत आहे.

तसेच सरकारने लवकर मराठा समाजाला आरक्षण देऊन समाजाची होणारी शैक्षणिक व नोकरीमध्ये होणारी अवहेलना थांबविली पाहीजे.' असे सरपंच दिपाली महेंद्र नागवडे यांनी सांगितले.

यावेळी माजी सरपंच गणेश मचाले, उपसरपंच सुनील देशवंत, हनुमंत पाटोळे, तंटामुक्ती समिती अध्यक्ष अरुण नागवडे, सुनील तुकाराम नागवडे, दिलीप नागवडे, हरिदास ढमढेरे, संतोष नागवडे, निरंजन नागवडे, प्रीती नागवडे, मोहिनी रणदिवे, विलास गवळी, मनोज मचाले, महेंद्र नागवडे, सतीश नागवडे, प्रशांत नागवडे, महादेव नागवडे, विठ्ठल नागवडे, ज्ञानेश्वर नागवडे, दादा भगत, सचिन जाधव, महेश नागवडे, अक्षय नागवडे, आकाश नागवडे, अनिकेत शितोळे, पंकज नागवडे, सागर नागवडे, सुमित नागवडे आदी उपस्थित होते.

तसेच आंदोलन काळात आत्महत्या केलेल्या आंदोलकांना सामुहिक श्रध्दांजली वाहण्यात आली. यावेळी तंटामुक्ती समिती अध्यक्ष अरुण नागवडे यांनी मार्गदर्शन केले. या कार्यक्रमाचे सूत्रसंचालन अल्लाउद्दीन अलवी व आभार संतोष नागवडे यांनी मानले.