पिंपरी - पुणे मेट्रोचा नियोजित मार्ग पिंपरी ऐवजी निगडीपासून सुरू करावा, या मागणीकरिता पिंपरी चिंचवड सिटीझन फोरमच्या वतीने रविवारी (ता. ११) पिंपरीत धरणे आंदोलन करण्यात आले. पिंपरीतील डॉ. बाबासाहेब आंबेडकर चौकात झालेल्या या आंदोलनात शिवसेनेचे खासदार श्रीरंग बारणे, महापालिकेतील गटनेते राहूल कलाटे सहभागी झाले होते. या आंदोलनास राजकीय पक्षांसह ३० सामाजिक संघटनांनी पाठींबा दर्शवित आंदोलनात सहभाग घेतला आहे.