वाल्हेकरवाडी - विद्यार्थ्यांमध्ये सुप्तगुण असतात. त्या गुणांना एक वैचारिक आणि बौद्धिक व्यासपीठ मिळणे गरजेचे असते. दैनंदिन जीवनात आपण भरपूर वस्तू बिनकामी म्हणून फेकून देतो. पण त्याच उपयोगात आणून त्यापासून टिकाऊ वस्तू बनविता येतात. अशीच टाकाऊ वस्तूपासून टिकाऊ जेसीबी यंत्र रावेत येथील महानगरपालिकेच्या शाळेतील इ. ७ वी. मध्ये शिकणाऱ्या विक्रम छत्ररामजी सोलंकी या विद्यार्थ्याने बनविले आहे. 

विक्रमने टाकाऊ असणाऱ्या इंजेक्शन, सिरीन व लाकडी काड्या, कागदी पुठ्ठा वापरून जेसीबी हे यंत्र बनविले आहे. भविष्यात आपल्याला वीज, पाणी व इतर इंधनाची भरपूर आवश्यकता भासणार आहे व हि इंधने आपल्याला पुरणारी नाहीत, हाच विचार करून मी हे टाकाऊ वस्तू पासून बनविले आहे. या सर्व वस्तू वापरुन झाल्यानंतर वापरल्या आहेत, असे विक्रमने सांगितले. या त्याच्या कलाकृतीला बजाज ऑटोतर्फे आकुर्डी येथे भरविण्यात आलेल्या विज्ञान प्रदर्शनात पहिल्या क्रमांकाबरोबरच विशेष लक्षवेधी पुरस्कारही मिळाला आहे. हे यंत्र बनविण्यासाठी त्याला शाळेच्या मुख्याध्यापिका विसपुते प्रतीक्षा, शोभा खटाटे, छाया गायकवाड, सुनिता म्हसे, रुपाली कड, हेमंत साठे, गीता खोपे, चारुशीला जाधव, निशा शिंदे यांनी मार्गदर्शन केले. 

आम्ही विद्यार्थ्यांना नवनवीन प्रयोग करण्यात प्रोत्साहन मिळणे गरजेचे असते, आणि ते आम्ही देण्याचे काम करतो. विद्यार्थी त्यात सहभागी असतात. या अशा नवनवीन प्रयोगामुळे दुसऱ्या विद्यार्थ्यांना प्रेरणा मिळते, एखादी विद्यार्थ्यांची कल्पना व्यावहारिक जीवनात उपयोगी पण येणाऱ्या असतात, असे शाळेच्या मुख्याध्यापिका विसपुते प्रतीक्षा यांनी मत व्यक्त केले. 

महाराष्ट्र राज्य सरकारने राज्यातील ८० हजार मराठी शाळा बंद करण्याच्या निर्णय घेतला आहे. मराठी माध्यमात शिकणाऱ्या मुलांच्या घरची आर्थिक परस्थिती बेताचीच असते, त्यामुळे शिक्षणापासून वाड्या वस्त्यांवरची मुले शिक्षणापासून वंचित राहतील. त्यामुळे राज्य सरकार चा निर्णय किती बरोबर आहे हा देखील प्रश्न उपस्थित होत आहे.