Maval Lok Sabha 2024: मावळ मतदारसंघात महायुती विरुद्ध महाविकास आघाडी अशी लढत होण्याचे स्पष्ट संकेत आहेत. या मतदारसंघात पुणे जिल्ह्यातील पिंपरी, चिंचवड व मावळ आणि रायगड जिल्ह्यातील उरण, कर्जत व पनवेल असे सहा विधानसभा मतदारसंघ येतात. शिवसेना व राष्ट्रवादी काँग्रेसमध्ये फूट पडल्यानंतर येथील राजकीय चित्र बदलले आहे. आता या मतदारसंघात भाजप व राष्ट्रवादी काँग्रेसचे प्रत्येकी दोन, शिवसेनेचे एक व भाजपला पाठिंबा दिलेले अपक्ष एक असे आमदारांचे संख्याबळ आहे.

२०१९चे चित्र

श्रीरंग बारणे(शिवसेना) विजयी मते : ७२०६६३

पार्थ पवार (राष्ट्रवादी काँग्रेस) मते : ५०४७५०

राजाराम पाटील (वंचित बहुजन आघाडी) मते : ७५९०४

कांदे किसन (बहुजन समाज पक्ष) मते : १०१९७

विजयी उमेदवाराचे मताधिक्य : २१५९१३

वर्चस्व

२००४ : ....

२००९ : शिवसेना

२०१४ : शिवसेना

२०१९ : शिवसेना

सद्य:स्थिती

महाआघाडीचे ज्येष्ठ नेते शरद पवार व उद्धव ठाकरे यांना मोठी सहानुभूती

घाटाखालील तीन मतदारसंघात ‘शेकाप’ची स्वतंत्र ताकद ही महाविकास आघाडीची जमेची बाजू आहे.

हे मुद्दे प्रभावी ठरणार

पुणे ते लोणावळा रेल्वेचे रखडलेले चौपदरीकरण

पवना धरणग्रस्तांचा गेली ५० वर्षे रखडलेला परतावा व पुनर्वसन

मावळ, कर्जत सारख्या तालुक्यांत दूरसंचारचे जाळे अनेक भागांत नाही

रेडझोनची टांगती तलवार