पोलिसांनी एका व्यक्तीच्या ताब्यातून चार लाख रुपये किमतीचे मेफेड्रॉन अमली पदार्थ, कार आणि मोबाईल असा सुमारे आठ लाखांचा मुद्देमाल जप्त केला.
पुणे - पोलिसांनी एका व्यक्तीच्या ताब्यातून चार लाख रुपये किमतीचे मेफेड्रॉन अमली पदार्थ, कार आणि मोबाईल असा सुमारे आठ लाखांचा मुद्देमाल जप्त केला. अमली पदार्थ विरोधी पथकाने बाणेर येथे ही कारवाई केली.
आसिफअली अलीमुद्दीन शेख (वय ३६, रा. हलावपूल, कुर्ला पश्चिम, मुंबई) असे अटक केलेल्याचे नाव आहे. याप्रकरणी चतु:शृंगी पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, बाणेर परिसरात एकजण कारमध्ये अमली पदार्थ विक्रीसाठी येणार असल्याची माहिती गुन्हे शाखेच्या अमली पदार्थ विरोधी पथकातील कर्मचाऱ्यांना मिळाली.
त्यावरून पोलिसांनी सापळा रचला असता बाणेर येथील योगी पार्क सोसायटीजवळ कारमध्ये एक संशयित व्यक्ती दिसून आली. पोलिसांनी त्याला ताब्यात घेतले असता, अंगझडतीमध्ये चार लाख रुपये किमतीचे २० ग्रॅम मेफेड्रॉन, तीन मोबाईल आणि रोकड आढळून आली. पुढील तपास पोलिस उपनिरीक्षक दिगंबर चव्हाण करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.