पुणे - पुणे गृहनिर्माण व क्षेत्रविकास मंडळाच्या (म्हाडा) कार्यक्षेत्रातील पुण्यासह सोलापूर, कोल्हापूर आणि सांगली जिल्ह्यातील पाच हजार ६४७ सदनिका विक्रीसाठी ऑनलाइन सोडत जानेवारीत काढणार आहे. त्यासाठी अर्जनोंदणीचा प्रारंभ उपमुख्यमंत्री अजित पवार यांच्या हस्ते गुरुवारी (ता. १०) दुपारी अडीच वाजता मुंबईत होणार आहे. त्यानंतर म्हाडाअंतर्गत सदनिकांसाठी अर्जाची ऑनलाइन नोंदणी सायंकाळी पाच वाजता सुरू होईल.

गृहनिर्माण मंत्री जितेंद्र आव्हाड यांच्या अध्यक्षतेखाली आयोजित या कार्यक्रमास गृहनिर्माण राज्यमंत्री सतेज पाटील, गृहनिर्माण विभागाचे प्रधान सचिव एस. व्ही. आर. श्रीनिवासन आणि ‘म्हाडा’चे उपाध्यक्ष अनिल डिग्गीकर उपस्थित राहणार आहेत, अशी माहिती ‘म्हाडा’चे मुख्य अधिकारी नितीन माने-पाटील यांनी दिली.

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

प्रधानमंत्री आवास योजनेतून पुणे जिल्ह्यात म्हाळुंगे (चाकण) येथे ५१४, तळेगाव दाभाडे येथे २९६, सोलापूर जिल्ह्यात गट क्रमांक २३८/१, २३९ करमाळा येथे ७७ आणि सांगली येथे सर्व्हे क्रमांक २१५/३ येथे ७४ सदनिकांसाठी अर्ज भरता येतील. पुणे जिल्ह्यातील मोरवाडी पिंपरी येथे ८७, पिंपरी वाघेरे येथे ९९२ सदनिका आहेत. सांगली येथे १२९ सदनिका आहेत. ‘प्रथम येणाऱ्यास प्रथम प्राधान्य’ या योजनेंतर्गत पुणे जिल्ह्यात म्हाळुंगे येथे एक हजार ८८०, दिवे येथे १४ तर सासवड येथे चार सदनिका आहेत. सोलापूर जिल्ह्यात ८२ सदनिका आहेत. २० टक्के सर्वसमावेशक गृहनिर्माण योजनेंतर्गत पुणे महापालिका क्षेत्रात ४१०, पिंपरी-चिंचवड महापालिका क्षेत्रात एक हजार २० आणि कोल्हापूर महापालिका येथे ६८ सदनिका आहेत.

सदनिकांसाठी ऑनलाइन अर्जनोंदणी : 
    १० डिसेंबर रोजी सायंकाळी पाच वाजल्यापासून ११ जानेवारी रोजी रात्री ११.५९ वाजेपर्यंत
    संकेतस्थळ - https://lottery.mhada.gov.in  

मोदी सरकारलाच घ्यावी लागेल माघार, शेतकरी हटणार नाहीत- राहुल गांधी