पिंपरी: एका अल्पवयीन मुलाने दुसऱ्या अल्पवयीन मुलावर धुळवड खेळताना ऍसिडसारखा ज्वलनशील पदार्थ फेकल्याची घटना मंगळवारी सांगवी येथे घडली. यात आठ वर्षीय मुलगा गंभीर भाजला असून त्याच्यावर एका रुग्णालयात उपचार सुरू आहेत.
या प्रकरणी मुलाच्या वडिलांनी सांगवी पोलिस ठाण्यात फिर्याद दिली आहे.

ताज्या घडामोडींसाठी डाऊनलोड करा ई-सकाळचे ऍप

पोलिसांनी त्या मुलाला ताब्यात घेतले आहे. दोन्ही मुले एकाच भागात राहतात. धुळवडीनिमित्त ते दोघेही रंग खेळण्यासाठी घराबाहेर पडले होते. त्या वेळी त्या मुलाने फेकलेल्या ज्वलनशील पदार्थामुळे दुसऱ्या मुलाच्या अंगातील टी-शर्ट तसेच कातडी जळाली. याप्रकरणी सांगवी पोलिस ठाण्यात रात्री उशिरा गुन्हा दाखल करण्यात आला.