भाजप आमदार सुनील कांबळे यांचा आजचा सकाळपासूनचा तिसरा व्हिडीओ समोर आला आहे. ससून रुग्णालयातील सुनील कांबळे यांनी एका पोलिस कर्मचाऱ्याला आणि राष्ट्रवादीच्या पदाधिकाऱ्याला मारहाण केल्याचा धक्कादायक प्रकार समोर आला, त्यानंतर आता आणखी एक व्हिडीओ समोर आला आहे. आमदार सुनील कांबळे यांनी थेट जिल्हाधिकाऱ्यांवर हक्कभंग कारवाई करू असं वक्तव्य केलं आहे.
आज पुण्यात उपमुख्यमंत्री अजित पवार यांच्या उपस्थितीत होत असलेल्या कार्यक्रमाच्या कोनशिलेवर नाव टाकलं नाही म्हणून आमदार कांबळे जिल्हाधिकारी डॉ. राजेश देशमुख यांच्यावर भडकले. कांबळे यांनी माझे नाव का नाही असा प्रश्न देशमुखांना विचारला. यावर उत्तर देताना जिल्हाधिकारी राजेश देशमुख यांनी, "तुमचे नाव लिहले आहे तुम्ही माहिती घेऊन बोललं पाहिजे" असे उत्तर दिले. यासंबधीचा व्हिडीओ आता व्हायरल झाला आहे.
दरम्यान आज त्यांनी अजित पवार यांच्या उपस्थितीत होत असलेल्या कार्यक्रमामध्ये एका पोलिस कर्मचाऱ्याला आणि राष्ट्रवादीच्या पदाधिकाऱ्याला मारहाण केल्याचा धक्कादायक प्रकार समोर आला. त्यानंतर ते चांगलेच चर्चेत आले आहेत.
कोण आहेत आमदार सुनील कांबळे?
आमदार सुनील कांबळे हे भारतीय जनता पक्षाचे पुणे कॅन्टोन्मेंट विधानसभा मतदारसंघाचे आमदार आहेत. हा अनुसूचित जातींसाठी राखीव मतदार संघ आहे. आमदार पदाची ही त्यांची पहिलीच टर्म आहे. याआधी त्यांचे भाऊ दिलीप कांबळे हे या मतदारसंघातून भाजपचे आमदार होते. दिलीप कांबळे हे माजी राज्यमंत्री देखील राहिलेले आहेत.
सुनील कांबळे पुणे महापालिकेत भाजपचे अनेक वर्ष नगरसेवक राहिलेले आहेत. सुनील कांबळे पुणे महापालिकेच्या स्थायी समितीचे अध्यक्ष देखील होते. सुनील कांबळे यांच्यावर पुणे महापालिकेतील महिला अधिकाऱ्याला दमदाटी शिवीगाळ केल्याचाही आरोप झालेला आहे. त्याची ऑडिओ क्लिप देखील सोशल मीडिया आणि माध्यमांमधून व्हायरल झाली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.