पुणे : शहरात दिवसेंदिवस कोरोना रुग्ण वाढत आहेत. रुग्णाला बेड मिळत नाही अशी स्थिती निर्माण झाली आहे. दरम्यान आज रविवार पेठेतील टीबी आणि कोरोना असलेल्या एका महिलेला कुठेही ऑक्सिजन बेड उपलब्ध होत नव्हता. यावेळ माणुसकी दाखवून महाराष्ट्र नवनिर्माण सेनेच्या पदाधिकारी आणि कार्यकर्त्यांना त्या महिलेला चाकण येथे बेड मिळवून दिला.
पुण्यात कोरोनाचे रुग्ण झपाट्याने वाढत असताना रेमडेसिव्हिर इंजेक्शनचा मोठ्या प्रमाणावर तुटवडा जाणवत आहे. रुग्णांच्या नातेवाईकांना अनेक ठिकाणी हेलपाटे मारून, ८ ते १० तास रांगेत उभे राहून देखील रेमडेसिव्हिर इंजेक्शन मिळत अशी स्थिती आहे. तर दुसरीकडे व्हेंटिलेटर बेडच शिल्लक नसल्याची माहिती समोर आली आहे. नव्या कोरोना रुग्णांना उपचार देण्यासाठी सुमारे साडेसात हजार बेड असल्या तरी; त्यात एकही ‘व्हेंटिलेटर’ बेड शिल्लक नसल्याचे महापालिका आयुक्त विक्रम कुमार यांनीच गुरुवारी स्पष्ट केले.
दरम्यान, ''दिवसेंदिवस शहरात कोरोना रुग्ण वाढताये. रुग्णाला बेड मिळत नाही अशी स्थिती निर्माण झाली आहे.लोक रस्त्यावर मरायला लागले आहेत. पण कोणत्याही सत्ताधाऱ्याला काही एक पडलेलं नाही जनतेचं. अशा वेळी लोकांनी काय करायचं?'' असा सवाल कसबा मतदार संघाचे अध्यक्ष गणेश भोकरे यांनी यावेळी उपस्थित केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.