पिंपरी - काळेवाडीतील विविध कारणांसाठी खोदलेले रस्ते पूर्ववत न केल्याने; तसेच प्रशासनाच्या दुर्लक्षामुळे सतत होणाऱ्या अपघातांच्या निषेधार्थ मनसे महिला आघाडीने चिंचवड 'ब' क्षेत्रीय अधिकाऱ्याला घेराव घातला. त्या वेळी प्रशासनाने दुरुस्तीचे लेखी आश्‍वासन दिले.

प्रभाग क्रमांक 22 मधील पाचपीर चौक, पंचनाथ कॉलनी, ज्योतिबानगर, आदर्शनगर, राजवाडेनगर आदी भागांत खोदलेले रस्ते पूर्ववत करण्यात आलेले नाहीत. त्यामुळे नुकत्याच झालेल्या अपघातात एका महिला गंभीर जखमी झाली. याबाबत आयुक्तांसह प्रशासनाला अनेकदा निवेदन देऊनही दखल न घेतली नाही. त्यामुळे महिलांनी "ब' क्षेत्रीय कार्यालयात ठिय्या आंदोलन करत क्षेत्रीय अधिकारी संदीप खोत यांनी घेराव घातला.

महापालिका अधिकारी ठेकेदाराला पाठीशी घालत असून, नगरसेवकांच्या घरासमोरील खोदकाम मात्र बुजविले जाते, असा आरोप महिलांनी या वेळी केला. 

महिला शहराध्यक्ष अश्‍विनी बांगर, उपाध्यक्ष अनिता पांचाळ, सीमा बेलापूरकर, स्नेहल बांगर, संगीता देशमुख, रूपाली गिलबिले, आदिती चावरिया, लता गावखरे, सुनीता गायकवाड, दक्षता हेमंत डांगे, राजू अवसर, रूपेश पटेकर, मयूर चिंचवडे, श्‍याम जगताप, श्‍याम भालेराव, सुरेश सकट, विकास कदम, आकाश पांचाळ, मिलिंद सोनवणे, मच्छिंद्र चिंचोले यांच्यासह कार्यकर्ते सहभागी झाले होते. 

याबाबत खोत म्हणाले, "काळेवाडीत काही कामे बीआरटी, पाणीपुरवठा विभागाच्या वतीने सुरू आहेत. या कामांवर मुख्य कार्यालयातून नियंत्रण असते. संबंधित अधिकाऱ्यांना तातडीने कामे मार्गी लावण्याच्या सूचना देणार आहे.