पुणे : कटिंग सलूनच्या दुकानामध्ये घुसून दुकानातील तरुणावर कोयत्याने वार करून जिवे मारण्याचा प्रयत्न करीत दहशत निर्माण करणाऱ्या टोळक्‍यास विश्रामबाग पोलिसांनी अटक केली. यात सहभागी असलेल्या सहा अल्पवयीन मुलांना पोलिसांनी ताब्यात घेतले. ही घटना रविवारी रात्री पावणेआठ वाजता नवी पेठेतील हत्ती गणपती मंदिरासमोरील एका दुकानामध्ये घडला.याप्रकरणी सनी महापुरे (वय १९, रा. फालेनगर, कात्रज) याने विश्रामबाग पोलिस ठाण्यात फिर्याद दिली आहे. त्यावरुन पोलिसांनी सहा जणांना अटक केली.

पोलिसांनी दिलेल्या माहितीनुसार, महापुरे याचे सदाशिव पेठेतील हत्ती गणपती मंदिराजवळ सलूनचे दुकान आहे. रविवारी रात्रीच्या सुमारास आदर्श मिसाळ नावाचा तरुण दुकानामध्ये होता. त्यावेळी १० ते १२ जण कोयते व हत्यारे घेऊन दुकानामध्ये शिरले. त्यांनी दुकानामध्ये येऊन ‘केएम कुठे आहे’, असे म्हणत मिसाळ यास लाथाबुक्‍क्‍यांनी मारहाण केली. त्यानंतर आदर्शला जीवे मारण्याच्या उद्देशाने त्याच्या मानेवर कोयत्याने वार करण्याचा प्रयत्न केला. त्यावेळी त्याने कोयत्याचा वार चुकवून ‘केएम मी नाही’ असे सांगून तेथून पळ काढला. त्यानंतर आरोपींनी कोयत्याने दुकानातील काचा फोडल्या.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

या घटनेनंतर आरोपींनी ‘आपण नाना पेठेतील भाई आहोत, आमच्या नादाला कोणी लागल्यास एका-एकाला सोडणार नाही, केएम तुला सोडणार नाही़’’ अशा शब्दात धमकी देत हत्यारे हवेत फिरवून, आरडाओरडा करून दहशत निर्माण केली. त्यानंतर आरोपी पेरूगेटच्या दिशेने निघून गेले. या घटनेमुळे नागरिकांनी घाबरून आपली दुकाने बंद केली.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

दरम्यान, याप्रकरणी गुन्हा दाखल झाल्यानंतर वरिष्ठ पोलिस निरीक्षक विजय टिकोळे यांच्या मार्गदर्शनाखालील पथकाने आरोपींचा शोध घेण्यास सुरुवात केली. त्यावेळी त्यांना संबंधित आरोपी व अल्पवयीन मुले नाना पेठेतील डोके तालमीजवळ लपून बसल्याची खबर मिळाली. त्यानुसार, पोलिसांनी त्यांना अटक केले.