आळंदी (पुणे) : कोरोनाच्या पार्श्वभूमीवर शाळा बंद असल्याने आळंदीतील ज्ञानेश्वर शिक्षण संस्थेतील ज्ञानार्थी व गरजू विद्यार्थ्यांना घर बसल्या ऑनलाईन शिक्षणात भाग घेता यावा, यासाठी रसिकलाल माणिकचंद धारिवाल फाउंडेशनच्या वतीने 23 मोबाईलचे वाटप केले. अद्याप पाचशेहून अधिक विद्यार्थ्यांची मोबाईल विकत घेण्याची परिस्थिती नाही.
कोरोनाच्या पार्श्वभूमीवर ऑनलाईन शिक्षण दिले जात आहे. मात्र, आळंदीतील शाळेत रोजंदारीवर काम करणारे व वाढपीचे काम करणाऱ्यांची मुले मोठ्या प्रमाणात शिक्षण घेत आहेत. दरम्यान ऑनलाईन शाळेमुळे अनेक विद्यार्थी घरी बसूनच शिक्षण घेत आहेत. मात्र, हे शिक्षण घेत असताना अद्याप अनेकांच्या हातात परिस्थितीमुळे मोबाईल नाहीत. त्यातच कोरोनामुळे अनेक पालकांचा रोजगारही बंद आहे. आळंदीत लग्नाची कामे बंद असल्याने पालकवर्गाच्या जेवणाचीही भ्रांत होती. अशावेळी ऑनलाईन शिक्षणात भाग कसा घ्यायचा, असा प्रश्न पडला आहे. परिणामी मोबाईलअभावी त्यांचे शिक्षण थांबू शकते. अशा गरिब विद्यार्थ्यांच्या शिक्षणाची परवड होऊ नये, यासाठी शिक्षण संस्थेच्या वतीने मोबाईल दान करण्याचे आवाहन केले. याला प्रतिसाद देत रकिसलाल माणिकचंद धारिवाल संस्थेच्यावतीने ज्ञानेश्वर विद्यालयात विद्यार्थ्यांसाठी 23 अँड्रॉइड मोबाईल दिले.
संस्थेचे अध्यक्ष सुरेश वडगावकर व सचिव अजित वडगावकर यांनीही स्वत:चे मोबाईल संस्थेत जमा केले. याचबरोबर लॉकडाउनमध्ये नेट पॅक घेणे शक्य नाही, अशा विद्यार्थ्यांसाठी संस्थेच्यावतीने वाय- फाय सेवाही पुरवली आहे.दरम्यान, अद्याप पाचशेहून अधिक विद्यार्थ्यांची मोबाईल विकत घेण्याची परिस्थिती नाही. त्यामुळे त्यांना ऑनलाईन शिक्षणात भाग घेता येत नाही. त्यांच्यासाठी मोबाईल दान करावे, असे आवाहन संस्थेच्यावतीने सचिव अजित वडगावकर यांनी केले. या वेळी राजाभाऊ चोपदार, अजित वडगावकर, प्रदीप काळे उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.