पुणे : पुणे जिल्ह्यात सोमवारी (ता.१८) दिवसातील नवीन कोरोना रुग्णांच्या तुलनेत दुपटीहून अधिक जण कोरोनामुक्त झाले आहेत. जिल्ह्यात सोमवारी दिवसभरात २५५ नवे कोरोना रुग्ण आढळून आले आहेत. याउलट ५१५ जण कोरोनामुक्त झाले आहेत. अन्य सात जणांचा कोरोनाने मृत्यू झाला आहे.

दिवसभरात एकूण रुग्णांमध्ये जिल्हा परिषदेच्या कार्यक्षेत्रातील सर्वाधिक १२६ रुग्णांचा समावेश आहे. पुणे शहरात ७० पिंपरी चिंचवडमध्ये ३३, नगरपालिका हद्दीत २४ आणि कॅंटोन्मेंट बोर्ड क्षेत्रात केवळ दोन नवे रुग्ण सापडले आहेत. दिवसातील एकूण मृत्यूमध्ये सर्वाधिक चार मृत्यू हे जिल्हा परिषद कार्यक्षेत्रातील आहेत. पुणे व पिंपरी चिंचवड शहर आणि नगरपालिका हद्दीतील प्रत्येकी एका रुग्णाचा मृत्यू झाला आहे. दिवसात कॅंटोन्मेंट बोर्ड क्षेत्रातील एकाही रुग्णाचा मृत्यू झाला नाही.

कोरोनामुक्त रुग्णांमध्येही जिल्हा परिषद कार्यक्षेत्रातील सर्वाधिक २५९ जणांचा समावेश आहे. पुणे शहरातील १२२, पिंपरी चिंचवडमधील ८४, नगरपालिका हद्दीतील ३९ आणि कॅंटोन्मेंट बोर्ड क्षेत्रातील ११ जण कोरोनामुक्त झाले आहेत.

जिल्ह्यातील क्षेत्रनिहाय कोरोनामुक्त

आतापर्यंत झालेले एकूण कोरोनामुक्त --- ११ लाख २३ हजार ९८५

1. पुणे शहर --- ४ लाख ९३ हजार १७

2. पिंपरी चिंचवड --- २ लाख ७० हजार ७९४

3. जिल्हा परिषद कार्यक्षेत्र --- २ लाख ७९ हजार ८२५

4. नगरपालिका क्षेत्र --- ६३ हजार ७०८

5. कॅंटोन्मेंट बोर्ड --- १६ हजार ४८१