वडगाव मावळ : मावळ तालुक्यातील पाले पठार या ठिकाणी राहणाऱ्या सुमन आखाडे हिने आपल्या दीड वर्षाच्या लेकीला घेऊन  चार किमी. डोंगरातून खडतर मार्गक्रमण करत मतदान केंद्र गाठले व मतदानाचा हक्क बजावला.

पाले येथे मतदान केंद्र असून पाले ते पाले पठार हे सुमारे चार किमी अंतर आहे. सतत पडणारा पावसाने निसरड्या झालेल्या पाऊलवाटा अन वाढलेल्या थंडीतून मार्ग काढून मतदान केंद्रावर पोहचल्या. घराच्यांनी 'इतका अडचणींतून तू जाऊ नकोस', असे सांगितले होते तरीही, तिने सगळ्यांचा विरोध नाकारून आपला मतदानाचा हक्क बजावला.