आळंदी : हॉटेलच्या पार्किंगमध्ये उभी केलेल्या दुचाकीचे हँडल लॉक तोडून चोरट्याने दुचाकी (एमएच १२ जेपी २२५)चोरून नेली आहे. याबाबत आळंदी पोलिस ठाण्यामध्ये सोमवारी (ता. २) गुन्हा दाखल करण्यात आला आहे. दरम्यान, आळंदी पोलीस ठाण्याच्या हद्दीत वाहन चोरीचे प्रकार वाढले असून मंदिर परिसरातील ही मागील दीड महिन्यातील चौथी घटना आहे.ही घटना रविवारी (ता. १) सायंकाळी प्रदक्षिणा रस्त्यावरील हॉटेल श्रीहरी येथे घडली. याबाबत सुधीर मनोहर साळवे (रा. ताडीवाला रोड, पुणे स्टेशन) यांनी फिर्याद दिली आहे. पुढील तपास आळंदी पोलिस करीत आहेत.