नसरापूर - पुणे-सातारा महामार्गावर सारोळा ते शिंदेवाडी दरम्यान अनेक ठिकाणी खड्डे पडले असुन, यामुळे अपघात होत असुन प्रवाशी जखमी होत आहेत. हे खड्डे येत्या दहा दिवसात भरले गेले नाहीतर, रस्त्यावरच तिव्र आंदोलन करण्यात येईल. असा इशारा भोर तालुका युवक काँग्रेसच्या वतीने महामार्ग प्रधिकरणाला देण्यात आला आहे.

- ताज्या बातम्यांसाठी डाऊनलोड करा ई-सकाळचे ऍप

भोर तालुका युवक काँग्रेसच्या वतीने महामार्ग प्राधिकरणाचे प्रकल्प संचालक सुहास चिटणिस यांना महामार्ग प्राधिकरणाच्या कार्यालयात आज निवेदन देण्यात आले यावेळी युवक काँग्रेसचे तालुका कार्याध्यक्ष महेश टापरे, अनिल सावंत, महेश बोबडे, निलेश भोरडे, प्रकाश भोरडे, लहु साळुंके, हनुमंत कारभळ, प्रविण कोंढाळकर, सागर टापरे, आदी उपस्थित होते.

- पुण्याच्या बातम्या वाचण्यासाठी येथे ► क्लिक करा

निवेदनात राष्ट्रीय महामार्गावर भोर तालुक्यातील शिंदेवाडी ते सारोळा या दरम्यान रस्त्याचे काम गेली अनेक वर्ष चालु असुन, या अपुर्ण कामामुळे अनेक अपघात झाले असुन हजारो नागरीकांचे प्राण गेले आहेत. तरी देखिल अद्याप काम चालुच आहे. झालेल्या निकृष्ठ कामामुळे या अंतरात अनेक खड्डे पडले असुन, प्रवाशांना नाहक त्रास सहन करावा लागत आहे, वाहतुक कोंडी, अपघात, गाडांचे नुकसान होत असुन, हे तातडीने थांबण्यासाठी येत्या दहा दिवसात सारोळा ते शिंदेवाडी दरम्यान रस्त्यावरील खड्डे न भरले गेल्यास भोर तालुका युवक काँग्रेसच्या वतीने तिव्र आंदोलन करण्याचा इशारा देण्यात आला आहे.

निवेदन स्विकारल्यावर प्रकल्प अधिकारी चिटणिस यांनी युवक काँग्रेसच्या पदाधिकारयांना या बाबत ताताडीने कार्यवाही केली जाईल, असे सांगुन त्यांनी दिलेल्या मुदतीत रस्त्यावरील खड्डे भरले जातील, अशी ग्वाही दिली आहे.

Edited By - Prashant Patil