पौड, ता. २५ : इयत्ता बारावीच्या परीक्षेचा मुळशी तालुक्याचा निकाल ९७.१४ टक्के लागला आहे. उत्तीर्णांमध्ये यावेळीही मुलींनीच बाजी मारली. तालुक्यातील विविध शाळांतील नऊ शाखांचे निकाल शंभर टक्के लागले आहेत.
मुळशी तालुक्यात पौड, पिरंगुट, भूगाव, हिंजवडी, कासारआंबोली, ताथवडे, मारूंजी, भांबर्डे, उरवडे, बावधन, माण या अकरा ठिकाणी कला, वाणिज्य, विज्ञान शाखेचे बारावीचे वर्ग आहेत. तर पौड, पिरंगुट, बावधनला व्यवसाय अभ्यासक्रमाचे विविध अभ्यासक्रम शिकविले जातात. या सर्व शाळांमधून १५८१ विद्यार्थी आणि १२९६ विद्यार्थिनी, असे एकूण २८७७ विद्यार्थी परीक्षेला बसले होते. त्यापैकी १५२० विद्यार्थी आणि १२७५ विद्यार्थिनी, असे एकूण २७९५ विद्यार्थी उत्तीर्ण झाले. मुलांचे उत्तीर्णांचे प्रमाण ९६.१४ टक्के; तर मुलींचे प्रमाण ९८.३७ टक्के आहे.
तालुक्यातील विविध शाळांचे निकाल पुढीलप्रमाणे- श्री छत्रपती शिवाजी विद्यालय पौड (कला- ९२.५९, वाणिज्य- १००, व्यवसाय विभाग- ९७.२२), पिरंगुट इंग्लिश स्कूल (कला- ८९.२४, वाणिज्य- ९९.१८, विज्ञान- १००, व्यवसाय विभाग- ९५.०६), न्यू इंग्लिश स्कूल हिंजवडी (कला- ८८.८८, वाणिज्य- ९७.०५), माध्यमिक विद्यालय भूगाव (वाणिज्य- ९६.६६), राणी लक्ष्मीबाई सैनिकी शाळा कासारआंबोली (विज्ञान- ९५.९१), बालाजी ज्युनिअर कॉलेज ताथवडे (विज्ञान- ९८.४७, वाणिज्य- ९८.८६), मारूंजी विद्यालय (वाणिज्य- ९४.७९, विज्ञान- १००), संपर्क विद्यालय भांबर्डे (वाणिज्य- ९३.३३), सूर्यदत्ता महाविद्यालय बावधन (कला- ९५.५५, वाणिज्य- ९४.६६, विज्ञान ९५.०४, व्यवसाय विभाग- १००), अनुसया ओव्हाळ विद्यालय माण (कला- ७०.३७, वाणिज्य- ७८.९४), माध्यमिक विद्यालय उरवडे (वाणिज्य- ८०.९५), चैतन्य ज्युनिअर कॉलेज नांदे (विज्ञान- १००), चाणक्य ज्युनिअर कॉलेज पिरंगुट (विज्ञान- १००), अकेमी ज्युनिअर कॉलेज (विज्ञान- १००, वाणिज्य- ९४.७३).