मुंढवा - मुंढवा गावाच्या वेशीवरच माजी उपमहापौर व विद्यमान नगरसेवक बंडू गायकवाड यांच्या प्रयत्नाने 'आपलं मुंढवा गाव' या डिजीटल फलकाची उभारणी गावाच्या प्रवेशव्दारावर करण्यात आली आहे. गावातील तरूण-तरूणीं येथे सेल्फी फोटो घेतांना दिसून येतात. त्यामुळे गावातील तरूणांनी त्याला सेल्फी पॉईंट म्हणून नाव ठेवले आहे. येथील सेल्फी फोटो मिडीयावर व्हायरलही होत आहेत.

गावात येणाऱे-जाणाऱे व बाहेरील व्यक्तींनी गावात प्रवेश केल्यावर या फलकाकडे त्यांचे लक्ष वेधून घेतले जात असल्याचे आढळून आले. पहिल्या दिवशी संध्याकाळी गावाच्या वेशीवर लहानथोर आणि महिला-पुरूष फलक पाहण्यासाठी जमले होते. फलक लावल्यामुळे गावाच्या सौंदर्यात वेगळीच भर पडल्याचे येथील रहिवाशी बाबा घोलप यांनी सांगितले.