street.jpeg 
पुणे

वाकडेवाडीत दीड वर्षांपासून पथदिवे बंद

हरीश शर्मा


पुणे ः वाकडेवाडी येथील पाटील इस्टेट ते अंडी उबवणी चौकापर्यंत सेवा रस्त्यावरील दोन्ही बाजूंचे पथदिवे मागील दीड वर्षांपासून बंद आहेत. याठिकाणी रोजच अपघात होत असून, महापालिकेच्या संबंधित अधिकाऱ्यांनी याकडे दुर्लक्ष केले आहे. "सकाळ'ने याबाबत विचारणा केली असता, अधिकाऱ्यांनी एकमेकांकडे बोट दाखवीत हात वर केले. त्यामुळे महापालिकेचा भोंगळ कारभार पुन्हा एकदा चव्हाट्यावर आला असून, येत्या चोवीस तासांत येथील पथदिवे सुरू करून देतो, असे महापालिकेचे अधिकारी सांगत आहेत. 


पुणे-मुंबई मार्गावरील अंडी उबवणी चौकापासून थेट पाटील इस्टेटपर्यंत बीआरटी प्रशासनाच्या वतीने रस्त्याच्या दोन्ही बाजूस मार्च 2017 मध्ये सेवा रस्त्याचे काम सुरू केले होते. ते काम एप्रिल 2018 मध्ये पूर्ण करून सेवा रस्ता व सायकल मार्ग तयार करण्यात आला. सेवा रस्त्यावर दोन्ही बाजूला पथदिवे बसवण्यात आले. या गोष्टीला एक वर्षाचा कालावधी होऊन गेल्यानंतरही या रस्त्यावरील पथदिवे बंद अवस्थेत आहेत. या रस्त्याला लागूनच अनेक सोसायट्या आहेत. या ठिकाणी रात्रीच्या वेळी पूर्ण काळोख पसरलेला असतो. दोन्ही बाजूने वाहने जोरात येत असल्याने रात्रीच्या वेळी सोसायटीमधून सेवा रस्त्यावर येताना अनेकदा अपघात होतात. अनेक वेळा येथील नागरिकांनी महापालिकेकडे याबाबत तक्रार करूनही पथदिवे फक्त वीजजोडणीसाठी बंद आहेत. 

येथील पथदिवे एक वर्षापासून फक्त वीजजोडणीसाठी बंद आहेत. पथदिवे विभागाने रस्ता खोदून जोडणी न दिल्यामुळे हे काम रखडले होते, पण आता ताबडतोब माणसे पाठवून काम सुरू करतो. उद्या दुपारपर्यंत कुठल्याही परिस्थितीत येथील दोन्ही मार्गांवरील पथदिवे सुरू करण्याचे प्रयत्न करू. - अशोक केदारी, कनिष्ठ अभियंता, विद्युत विभाग, औंध क्षेत्रीय कार्यालय, 

""मी आमच्या विभागातील अधिकाऱ्यांकडून वीजजोडणीचे काम त्वरित करून घेतो. येत्या चोवीस तासांत येथील सर्व पथदिवे सुरू करून देऊ.'' - योगेश माळी, कार्यकारी अभियंता, पुणे महापालिका. 


""येथील सेवा रस्त्यावरील पथदिवे उभारणीपासून सुरूच करण्यात आले नाही. मुख्य रस्त्यावरील पथदिवे चालू आहेत. मी पाठपुरावा करून सांगते.'' - सोनाली लांडगे, स्थानिक नगरसेविका, पुणे महापालिका 

पथदिवे बंद असल्याने रहिवाशांना अनेक संकटांचा सामना करावा लागत आहे. अनेक अपघातही झाले आहेत.'' - 
-अब्रार काझी, सामाजिक कार्यकर्ते, कोहिनूर इस्टेट. 


 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

'दादर रेल्वे स्थानकाचं नाव तेच राहणार'; मुख्यमंत्री देवेंद्र फडणवीस यांनी केलं जाहीर; पण, 'चैत्यभूमी' नावाच्या चर्चेवर म्हणाले...

Gondia Murder Case : पतीच्या मैत्रिणीचा काटा काढण्यासाठी पत्नीनेच दिली १३ लाखांची सुपारी! २०० सीसीटीव्ही कॅमेऱ्यांनी उलगडला गोंदियातील वर्षा तुरकर हत्याकांडाचा थरार

IND vs NZ : भारताविरुद्ध शतक झळकावत हेन्री निकोल्सने रचला विक्रम; विल्यमसन-क्रोची केली बरोबरी

Marathi News Live Updates : स्वीकृत सदस्य निवडीसाठी अर्ज करण्यास दोन दिवस बाकी

Mahabaleshwar Water Crisis: महाबळेश्वरला कृत्रिम पाणीटंचाई! ऐन पर्यटन हंगामात पाण्यासाठी वणवण; प्राधिकरण-पालिकेत समन्वयाचा अभाव

SCROLL FOR NEXT