नारायणगाव : चारित्र्याच्या संशयावरुन राहत्या घरात पत्नीचा हाताने गळा दाबुन खुन केल्या प्रकरणी पतीला नारायणगाव पोलिसांनी अटक केली आहे. ही घटना आज पहाटेच्या सुमारास नगदवाडी,कांदळी( ता. जुन्नर ) येथील शिंदे मळ्यात घडली. आशी माहिती सहायक पोलीस निरीक्षक पृथ्वीराज ताटे यांनी दिली.

या प्रकरणी आरोपी सुरेश दगडु शिंदे (वय ५९, वर्षे रा. शिंदेमळा, नगदवाडी ,कांदळी ता.जुन्नर जि. पुणे ) याला पळून जात असताना येथील टोमॅटो बाजारा जवळ आज सकाळी अटक करण्यात आली असून त्याने गुन्ह्याची कबुली दिली आहे.

या बाबत सहायक पोलीस निरीक्षक ताटे म्हणाले आरोपी सुरेश शिंदे याला दोन मुले असून ते नोकरी - व्यवसाया निमित्त बाहेरगावी रहात असतात. सुरेश शिंदे हा पत्नी संध्या (वय ५१) यांच्यासह शिंदेमळा येथे राहण्यास होते. पत्नी संध्याचे अनैतिक संबंध असल्याचा संशय सुरेश शिंदे याला होता. या वरून दोघांमध्ये नेहमी भांडणे होत होती. याच कारणावरून आज मध्यरात्रीच्या सुमारास झालेल्या भांडणातून सुरेश शिंदे याने पत्नी संध्या हिचा गळा दाबून खून केला. त्या नंतर पळून जाण्याचा प्रयत्नात असताना येथील टोमॅटो उपबजार आवरा जवळ त्याला अटक करण्यात आली. या प्रकरणी सुशांत सुरेश शिंदे यांनी नारायणगाव पोलीस ठाण्यात तक्रार दिली आहे.