पुणे : तरुणाच्या डोक्यात फरशी घालून त्याचा खून करण्यात आल्याचा प्रकार शुक्रवारी सकाळी उघडकीस आला. ही घटना गुरुवारी मध्यरात्रीच्या सुमारास कोरेगाव पार्क परीसरामध्ये घडली.
नीलेश उर्फ गोट्या विठ्ठल शेडगे (वय 22, रा.दरोडे वस्ती, कोरेगाव पार्क) असे खून झालेल्या तरुणाचे नाव आहे. याप्रकरणी जनाबाई विठ्ठल शेडगे (वय 45) यांनी कोरेगाव पार्क पोलिस ठाण्यात फिर्याद दिली आहे. त्यावरुन अनिकेत वाखारे, अभिषेक वाखारे, निळकंठ वाखारे, सागर चावरीया, फैयाज (सर्व रा. कवडे वाडी, कोरेगाव पार्क) अशी गुन्हा दाखल झालेल्या संशयित आरोपीची नावे आहेत.
गुरुवारी मध्यरात्री अनिकेत वाखारे हा त्याच्या साथीदारासह दरोडे वस्ती येथे आला. त्याने "तु जेलमधून सुटुन आल्यापासून भाई झाला आहेस का " असे म्हणत नीलेश याच्याशी वाद घातला. त्यावरुन त्यांच्यात भांडणे झाली. त्यानंतर अनिकेत व त्याच्या साथीदारांनी नीलेशला मारहाण केली. त्याच्या डोक्यात फरशी घालून त्याचा खून केला. नीलेशच्या नावावर भोसरी पोलिस ठाण्यात दरोडयाचा गुन्हा दाखल आहे. काही दिवसांपूर्वीच तो जामिनावर कारागृहातून बाहेर पडला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.