उंड्री: हांडेवाडी रस्ता येथील गंगा व्हिलेज को-ऑपरेटिव हाऊसिंग सोसायटीमध्ये महिला दिनानिमित्त छोटेखानी कार्यक्रमाचे आयोजन केले होते. यावेळी यूक्रेनमध्ये गंगा व्हिलेजमधील सदस्य नमिरा हसन शेख या विद्यार्थ्यांनीने स्वतः विमानाचे तिकीट बुक करून मायदेशी परतली, त्यानिमित्त तिचा विशेष सन्मान करण्यात आला. तसेच, सोसायटीच्या माजी संचालिका नंदा गायकवाड, ज्येष्ठ मार्गदर्शिका जयश्री देशपांडे, अबेदा दिलावर शेख, सुचिता वाबळे यांच्यासह इतरही महिलांना शाल, तुळशीचे रोप देऊन सन्मानित करण्यात आले.

याप्रसंगी संचालिका रंजना रणपिसे, ज्योसना बरणवाल, चेअरमन योगेंद्र गायकवाड, सेक्रेटरी रवि बरणवाल, खजिनदार दिलावर शेख, गणेश वाडकर, डॉ. अनिल पाटील, संजय पवार, अंकुश जाधव, संतोष कारंजकर, मधुकर जगताप, मोहन मोरे, गणेश पाटील, श्रीकृष्ण ताजणे, नितेश गद्रे, वसीम फरास, सुनील गव्हाळे, विवेक मुळे, रोहिदास सायकर, रतन कुंडू प्रकाश खांडेकर सह सर्व संचालक उपस्थित होते.