Narendra Modi: अठराव्या लोकसभेच्या पहिल्या अधिवेशनात शेतकरी प्रश्न आणि नीटची परीक्षा आणि आरक्षणाचा विषय या विषयावर आम्ही इंडिया आघाडीच्या वतीने सविस्तर चर्चा करण्याची मागणी आम्ही करणार आहोत. अशी भूमिका खासदार सुप्रिया सुळे यांनी व्यक्त केली.

कोंढवे- धावडे येथे कार्यक्रमाच्या निमित्ताने खासदार सुळे आल्या होत्या. त्यावेळी पत्रकारांशी बोलत होत्या. नीटच्या परीक्षेत सातत्याने घोळ होत आहेत. याबाबत मी एसआयटी’ची मागणी केली आहे. तर नवीन लोकसभेत शेतकरी प्रश्न आणि नीटची परीक्षा आणि आरक्षणाच्या याविषयवरच आम्ही महाविकास आघाडीचे ३० खासदार आणि देशातील इंडिया आघाडीच्या वतीने सविस्तर चर्चा आम्हाला हवी आहे.

जीएसटी कौन्सिलमध्ये दुधावरील वाढीचा प्रस्ताव दिला आहे. याप्रश्नावर बोलताना त्या म्हणाल्या, जीएसटी कौन्सिलमध्ये महाराष्ट्राच्या वतीने कोण गेले होते. महाराष्ट्रातल्या प्रतिनिधींनी याचा विरोध का नाही केला, कारण आम्ही याबाबत केंद्रात प्रश्न विचारतो. त्यावेळी आम्हाला राज्यातील लोक येथे येतात. असं उत्तर दिले जाते.

महाराष्ट्र राज्याने काय भूमिका घेतली आहे. याचे उत्तर मला अपेक्षित आहे. हा निर्णय होत होता. तेव्हा महाराष्ट्र सरकार जीएसटी कौन्सिलमध्ये काय करत होतं, हे होऊच कसं दिलं, लहान मुलांनी आता दूध प्यायचं नाही का, असा प्रश्न खासदार सुळे यांनी केला.

मंचर मध्ये एका राजकीय व्यक्तीच्या पुतण्याच्या गाडीने दोन जणांना धडक दिली आहे. याबाबत बोलताना त्या म्हणाल्या, राज्यात ‘हिट अँड रण’च्या केसेस वाढत चाललेले आहेत. मी राज्यातील गृहमंत्र्यांवर मी आरोप केले की, भारतीय जनता पार्टीचे लोक माझ्यावर नाराज होतात, परंतु राज्यात ड्रग, पोर्शे कार सारख्या दुर्घटना वाढत आहेत. अशावेळी सत्तेमध्ये आहे त्यांना एक न्याय आणि सामान्य माणसाला एक न्याय आहे.

आता जी घटना घडली आहे. त्याचीही चौकशी झाली पाहिजे. हा देश डॉक्टर बाबासाहेब आंबेडकर यांच्या राजघटनेच्या नुसारच चालणार आहे. कोणाचीही मनमानी चालणार नाही. अशी भूमिका सुप्रिया सुळे यांनी व्यक्त केली.